زەرەندىدە قاتتى جەل تۇرىپ، 8 تۇرعىن ءۇيدىڭ شاتىرى ۇشىپ كەتتى

«زەرەندى اۋدانىنىڭ اقادىر اۋىلىندا ەكپىنى 23 م/س دەيىنگى قاتتى جەل سالدارىنان جالپى اۋدانى 300 شارشى مەتر بولاتىن 8 جەكە تۇرعىن ءۇيدىڭ شاتىرلارى ءىشىنارا بۇزىلدى»، - دەپ حابارلادى اقمولا وبلىسى ت ج د باسپا ءسوز قىزمەتىنەن.

اقادىر، ۇيالى، ەڭبەك- بىرلىك اۋىلدارىندا ەلەكتر بەرۋ جەلىلەرى ءۇزىلىپ، 247 ابونەنتتى ەلەكترمەن جابدىقتاۋ توقتاتىلدى. وقيعا ورنىندا «قۋات ەنەرگوپارتنەر» جشس بريگاداسى، 1 تەحنيكا جانە 5 ادام جۇمىلدىرىلدى. ادامدار امان.

«قازىرگى ۋاقىتتا ەلدى مەكەندەردە ەلەكترمەن جابدىقتاۋدى قالپىنا كەلتىرۋ جۇمىستارى جۇرگىزىلىپ جاتىر. جەرگىلىكتى اتقارۋشى ورگانداردىڭ ارنايى كوميسسياسى جەلدەن زارداپ شەككەن جەكە تۇرعىن ۇيلەردىڭ يەلەرىنە كەلتىرىلگەن زالالدى وتەۋ بويىنشا شەشىم قابىلدايدى»، - دەپ اتاپ ءوتتى وبلىستىق ت ج د باستىعىنىڭ ورىنباسارى قايرات قاسىم.

اقمولا وبلىسىنىڭ توتەنشە جاعدايلار دەپارتامەنتى وبلىس تۇرعىندارى مەن قوناقتارىنا داۋىل كەزىندە كەلەسىدەي ءتارتىپ ەرەجەلەرىن ساقتاۋ قاجەتتىگىن ەسكەرتەدى:

- ۇيگە قۇلاپ كەتپەس ءۇشىن قۋراعان اعاشتاردى جانە اعاش بۇتاقتارىن الدىن الا كەسىپ تاستاڭىز؛

- بارلىق قۇرىلىستاردى، اسىرەسە ۋاقىتشا ۇيلەردى جەرگە مىقتاپ بەكىتىڭىز؛

- داۋىل كەسىرىنەن وتباسى مۇشەلەرى ءار ءتۇرلى جەرلەردە قالىپ قالسا نەمەسە ءۇيى قيراپ قالسا، بۇكىل وتباسى ءۇشىن كەزدەسۋ ورنىن بەلگىلەڭىز؛

- ەگەر ۇيدە بولساڭىز، تەرەزە اينەكتەرىن كولدەنەڭ نەمەسە جۇلدىز ءتارىزدى بەكىتىلگەن جابىسقاق تاسپامەن كۇشەيتىڭىز. جەل نەمەسە سۋ الىپ كەتۋى مۇمكىن بارلىق زاتتار مەن جيھازداردى ۇيگە كىرگىزىڭىز، مالدى قاۋىپسىز جەرگە ايداپ، سول جەرگە جەم مەن سۋ قالدىرىڭىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى