ازەربايجان ارمەنيانىڭ 8 اسكەري قىزمەتكەرىن قايتاردى
بۇل تۋرالى قازاقپاراتتىڭ مەنشىكتى ءتىلشىسى ازەربايجاننىڭ اسكەري تۇتقىندار، كەپىل تۇتقىندار جانە ءىز- ءتۇزسىز جوعالعان ازاماتتار ىستەرى جونىندەگى مەملەكەتتىك كوميسسياسىنىڭ مالىمدەمەسىنە سىلتەمە جاساپ حابارلايدى.
«ولاردىڭ ءبىر بولىگى - 2021 -جىلدىڭ 16- قاراشاسىندا كەلبادجار باعىتىنداعى مەملەكەتتىك شەكارادا ۇستالعان اسكەري قىزمەتكەرلەر»، - دەلىنگەن حابارلامادا.
ازەربايجان بۇل قادامعا جاۋاپ رەتىندە ارمەنيادان ءبىرىنشى ارميان- ازەربايجان سوعىسى كەزىندە قازا تاپقان ازەربايجان اسكەريلەرى مەن ازاماتتارى جانە ولاردىڭ كومىلگەن جەرلەرى تۋرالى اقپارات كۇتەدى.
اتاپ وتەيىك، ارمەنيا اتالعان مىندەتتەمەنى 4- اقپان كۇنى فرانسيا پرەزيدەنتى ەممانۋەل ماكرون، ازەربايجان پرەزيدەنتى يلحام اليەۆ، ارمەنيانىڭ پرەمەر- ءمينيسترى نيكول پاشينيان، سونىمەن قاتار ەۋروپالىق وداق كەڭەسىنىڭ باسشىسى شارل ميشەلدىڭ قاتىسۋىمەن وتكەن بەينەكونفەرەنسيا كەزىندە العان.
اۆتور: ءبيبىحان سەرىكوۆا
