بۇيرەك قاتەرلى ىسىگىنىڭ 8 بەلگىسى
العاشقى بەلگىلەرى وڭايلىقپەن بايقالا بەرمەيدى. سوندىقتان كەي ەمدەلۋشىلەر دەرتىنىڭ ەمدەلۋ ۋاقىتىن سوزىپ الادى.
بۇيرەك قاتەرلى ىسىگىنەن الەمدە جىل سايىن 250 مىڭ ادام اۋىرىپ، شامامەن 100 مىڭ ادام قايتىس بولادى. جۋىردا انگليا دەنساۋلىق ساقتاۋ ۇلتتىق جۇيەسى مەن Cancer Reseach UK ورتالىعى ارنايى زەرتتەۋ جۇرگىزىپ، 8 بەلگىسىن اتاپ كورسەتتى.
بۇيرەك قاتەرلى ىسىگىنە شالدىققان ادامنىڭ قانشا ۋاقىت ءومىر سۇرەتىنىن ەشكىم ءدوپ باسىپ ايتا المايدى. ول ونىڭ اۋرۋ قاي كەزەڭدە ەكەنىنە بايلانىستى، - دەيدى ماقالا اۆتورلارى.
ەڭ ءبىرىنشى بەلگىسى - قان سيۋ (گەماتۋريا). ءزاردىڭ قان ارالاس شىعۋى كۇشەيۋى نەمەسە ازدان كۇننەن سوڭ توقتاۋى دا مۇمكىن. بۇل جاعدايدا بىردەن دارىگەرگە كورىنۋ قاجەت.
كەلەسى بەلگىسىنىڭ ءبىرى - ءبۇيىردىڭ ءىسۋى. ودان كەيىنگى سيمپتومدارى قاتارىنا تابەت تارتپاۋى، سالماق جوعالتۋ، جوعارى تەمپەراتۋرا مەن تەرلەۋ، السىزدىك، مازاسىزدىق جانە ارقاداعى قابىرعا استى اۋرۋى جاتادى.
بۇل 8 بەلگىدەن بولەك، وسىعان دەيىن انىقتالعان سيمپتومدار دا بار. ولار اياق ءىسىنۋى، قان ازدىق، ارتەريالىق قىسىمنىڭ سەبەپسىز جوعارىلاۋى جانە بۇيرەك تۇسىنىڭ سىزداۋى دا دەرتتەن حابار بەرەدى.
بۇيرەك قاتەرلى ىسىگىن انىقتاۋ دا وڭاي ەمەس. كوبىنەسە ۋلترادىبىستىق زەرتتەۋ ارقىلى انىقتالىپ جاتادى. تەك تاجىريبەلى مامان عانا اۋرۋدى ەرتە كەزەڭدە انىقتاي الادى.
بۇل دەرتتى انىقتاۋ كەزىندە كەلەسى زەرتتەۋ ادىستەرى قولدانىلادى:
- ۋلترادىبىستىق زەرتتەۋ ىسىكتى باسقا وسكىننەن اجىراتۋعا كومەكتەسەدى؛
- رەنتگەن دياگنوستيكاسى: رەنتگەنوگرافيا (ونىڭ ىشىندە بۇيرەك انگيوگرافياسى، ۋروگرافيا جانە ت. ب.)؛
- كومپيۋتەرلىك توموگرافيا؛
- قان مەن ءزاردى زەرتحانالىق زەرتتەۋ؛
