جامبىل وبلىسىندا جاياۋ جۇرگىنشىلەر كىناسىنەن جولدا 8 ادام قازا تاپقان
جول- كولىك اپاتتارى سالدارىنان 8 ادام قازا تاۋىپ، 109 ادام ءتۇرلى جاراقات الدى. سونىڭ ىشىندە كامەلەتكە تولماعانداردىڭ قاتىسۋىمەن 39 جول- كولىك وقيعاسى تىركەلىپ، 42 بالا زارداپ شەكتى.
«اعىمداعى جىلدىڭ 4 ايىنىڭ قورىتىندىسى بويىنشا جاياۋ جۇرگىنشىلەردىڭ جانە جول قوزعالىسىنىڭ وزگە دە قاتىسۋشىلارىنىڭ جول ءجۇرۋ ەرەجەلەرىن بۇزعانى ءۇشىن قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 615-بابى بويىنشا 3338 قۇقىق بۇزۋشى اكىمشىلىك جاۋاپكەرشىلىككە تارتىلدى»، - دەلىنگەن وبلىستىق پوليتسيا دەپارتامەنتى باسپا ءسوز قىزمەتىنىڭ حابارلاماسىندا.
ءتارتىپ ساقشىلارى ازاماتتاردى جول ءجۇرۋ ەرەجەلەرىن قاتاڭ ساقتاۋعا شاقىرىپ، قاۋىپسىزدىك شارالارىن بۇزباۋدى ەسكەرتەدى.
