رەجەپ تايپ ەردوعان: تۇركى كەڭەسىنىڭ 8-ءسامميتى ىستانبۇلدا وتەدى
بۇل تۋرالى تۇركى كەڭەسىنىڭ بەيرەسمي ءسامميتى بارىسىندا تۇركيا پرەزيدەنتى رەجەپ تايپ ەردوعان ايتتى، دەپ حابارلايدى قازاقپارات ءتىلشىسى.
«2016 -جىلدىڭ قىركۇيەگىندە قىرعىزستاننىڭ شولپان اتا قالاسىندا تۇركى كەڭەسىنىڭ 6- ءسامميتى وتكەن بولاتىن. سول جيىندا 4- دۇنيەجۇزىلىك كوشپەندىلەر ويىنىن تۇركيادا وتكىزۋ تۋرالى شەشىم قابىلداعان ەدىك. ەگەر سىزدەر رۇقسات ەتسەڭىزدەر، بۇل ويىنداردى مىنا كوروناۆيرۋس پاندەمياسىنا بايلانىستى كەيىنگە قالدىرىپ، 2022 -جىلى وتكىزبەك ويىمىزدا بار»، - دەدى تۇركيا پرەزيدەنتى.
سونىمەن قاتار رەجەپ تاييپ ەردوعان تۇركى كەڭەسىنە مۇشە ەلدەردىڭ باسشىلارىن انتاليا ديپلوماتيالىق فورۋمىنا، ت م ى ك- تىڭ 8- سامميتىنە شاقىردى.
«انتاليا ديپلوماتيالىق فورۋمى ماۋسىم ايىنىڭ ىشىندە وتەدى. فورۋم ءتۇرلى سالادا پىكىر الماسۋ الاڭى رەتىندە جۇمىس ىستەيدى. سونىمەن قاتار تۇركى كەڭەسىنىڭ 8- ءسامميتىن 2021 -جىلدىڭ 12-قاراشاسىندا ىستانبۇلدا وتكىزەمىز دەپ ۇمىتتەنەمىن»، - دەدى تۇركيا باسشىسى.
وسى رەتتە قازاقستان پرەزيدەنتى قاسىم- جومارت توقايەۆ تۇركى الەمنىڭ بولاشاعىنا قاتىستى وزەكتى ماسەلەلەردى كوتەرىپ، سالماقتى پىكىر ايتقان تۇركيا پرەزيدەنتىنە ريزاشىلىعىن ءبىلدىردى.
«ءسىزدىڭ ەلىڭىز تۇركى دۇنيەسىن جاڭعىرتۋعا جانە ونى زامان تالابىنا ساي جاڭعىرتۋعا وراسان زور ۇلەس قوسىپ كەلە جاتقانى بەلگىلى. قازاقستان ءسىزدىڭ باستامالارىڭىزدى قولدايدى»، - دەدى مەملەكەت باسشىسى.
