8-قاڭتار. قازاقپارات كۇنتىزبەسى
ەستە قالار وقيعالار
1864 -جىلى تورعاي دالاسىندا قازاق بالالارىنا ارنالعان العاشقى مەكتەپ اشىلدى. ىبىراي التىنسارين وسى وقيعاعا بايلانىستى قۋانىشىن ن. يلمينسكييگە جازعان حاتىندا ءبولىستى.
1963 -جىلى قاڭتاردىڭ 8-9 ى قازاقستان كينەماتوگرافيستەر وداعىنىڭ ءبىرىنشى قۇرىلتاي سەزى ءوتتى. وندا وسى وداقتىڭ ءبىرىنشى حاتشىسى بولىپ شاكەن كەنجەتاي ۇلى ايمانوۆ سايلاندى.
1992 -جىلى جەزقازعاندا تۇڭعىش قازاق عارىشكەرى توقتار اۋباكىروۆ اتىنداعى وقۋشىلار سارايى اشىلدى.
1997 -جىلى جامبىل قالاسىنىڭ اتى تاراز بولىپ وزگەرتىلدى. ءبىزدىڭ داۋىرىمىزگە دەيىنگى I عاسىردىڭ ورتاسىندا قىتاي دەرەكتەرىندە ساقتالعان قالانىڭ تاريحي اتاۋى قايتارىلدى.
2007 -جىلى پاريجدە مۇستافا شوقاي اتىنداعى قازاق- فرانسۋز دوستىعىنىڭ قوعامى اشىلدى. مۇستافا شوقاي (1889-1941) - وتكەن ءجۇز جىلدىقتىڭ بىرىنشى جارتىسىنداعى ۇلتتىق تاريحتىڭ تانىمال قوعام جانە ساياسات قايراتكەرى, ورتا ازيانىڭ بوستاندىعى مەن تاۋەلسىزدىگىنە كۇرەسكەن پۋبليتسيست، يدەولوگ، «الاش وردا» پارتياسى جەتەكشىلەرىنىڭ ءبىرى.
2014 -جىلى استانا قالاسىنداعى №2 مۋزىكا مەكتەبى قازاق حالىق اسپاپتار ءانسامبلىنىڭ جاس دومبىراشىلارى قىتايداعى حالىقارالىق «بەيجىڭ جۇلدىزدارى» بايقاۋىندا ءبىرىنشى ورىندى يەلەندى. حالىقارالىق بايقاۋعا قازاقستان، قىتاي، رەسەي مەن موڭعوليادان 40 قا جۋىق انسامبل قاتىسقان بولاتىن.
2016 -جىلى الەمدەگى ەڭ ءىرى ينتەرنەت- دۇكەندەردىڭ ءبىرى «Amazon» «Leadership Perspectives» اتتى ق ر پرەزيدەنتىنىڭ 2012-2015 -جىلدار اراسىندا سويلەگەن سوزدەرىنىڭ اعىلشىن تىلىندە جاريالانعان جيناعىن ساتىلىمعا شىعاردى.
2018 -جىلى ءابۋ- دابيدە قازاقستاندىق مانەرلەپ سىرعاناۋشىلار FBMA Trophy مانەرلەپ سىرعاناۋدان ءبىرىنشى حالىقارالىق تۋرنيردە ءتورت مەدال جەڭىپ الدى: ەكى قولا، ءبىر كۇمىس جانە ءبىر التىن. ەڭ جاقسى ناتيجەنى نيكيتا مانكو كورسەتتى. استانالىق مانەرلەپ سىرعاناۋشى ەركىن جانە قىسقا باعدارلامالاردا ونەر كورسەتۋ بويىنشا 139.30 بالل ناتيجەسىمەن جاسوسپىرىمدەر اراسىندا ۇزدىك اتاندى.
2019 -جىلى حالىقارالىق شاحمات فەدەراتسياسى (FIDE) كوميسسياسىنىڭ قۇرامىنا تۇڭعىش رەت قازاقستاننىڭ التى وكىلى ەندى. اتالعان ءتىزىم بۇكىلالەمدىك شاحمات فەدەراتسياسىنىڭ ءۇش جىل سايىن وتەتىن پرەزيدەنتتىك كەڭەسىندە بەكىتىلەدى. FIDE كوميسسياسىنىڭ قۇرامىنا الەمنىڭ 130 مەملەكەتىنەن 224 ادام ەندى.
2019 -جىلى اقتوبەلىك دارىگەرلەر 1 ساعات ىشىندە 4 مىڭنان (4270) استام ادامنىڭ قان قىسىمىن ولشەدى. بارلىعى 500 دارىگەر گيننەستىڭ رەكوردىن رەسمي تۇردە جاڭارتتى. بۇعان دەيىنگى رەكورد ءۇندىستاندا 2015 -جىلى تىركەلگەن، وندا دارىگەرلەر ءبىر ساعاتتا 3600 ادامنىڭ قان قىسىمىن ولشەدى.
2019 -جىلى ەگيپەت اراب رەسپۋبليكاسىنداعى ق ر ەلشىلىگىنىڭ قولداۋىمەن ءال- فارابي اتىنداعى قازاق ۇلتتىق ۋنيۆەرسيتەتى كاير ۋنيۆەرسيتەتىندە ءال- فارابي عىلىمي- ءبىلىم ورتالىعىن اشتى.
2020 -جىلى قازاقستان 2020-2021 -جىلدار كەزەڭىنە تەڭىزگە شىعا المايتىن دامۋشى ەلدەر توبىنا (ت ش ج ك) ءتوراعالىق ەتەتىن بولدى. ءتوراعالىقتى تاپسىرۋ ءراسىمى ب ۇ ۇ- نىڭ نيۋ- يوركتەگى شتاب- پاتەرىندە بۇۇ جانىنداعى توپقا مۇشە مەملەكەتتەردىڭ ەلشىلەرى مەن ساراپشىلارىنىڭ جانە از دامىعان ەلدەر، تەڭىزگە شىعا المايتىن دامۋشى ەلدەر جانە شاعىن ارالدىق دامۋشى مەملەكەتتەر ماسەلەلەرى بويىنشا ب ۇ ۇ- نىڭ جوعارى وكىلىنىڭ قاتىسۋىمەن ءوتتى.
