يممۋنيتەتتى تومەندەتەتىن 8 ادەت
يمميۋنيتەتتىڭ السىرەۋىنە ەڭ الدىمەن اسەر ەتەتىن ءبىزدىڭ زيان ادەتتەرىمىز ەكەن. نازارلارىڭىزعا اعزاداعى يممۋنيتەتتى تومەندەتەتىن 8 زياندى ادەتتى ۇسىنامىز.
1. ۇيقىنىڭ قانباۋى
ۇيقى كەزىندە يممۋن جۇيەسىنىڭ باكتەريالار مەن ۆيرۋستارعا قارسى كۇرەستى قالىپتاستىرۋعا جاۋاپتى بولىگى ىسكە قوسىلادى. ەگەر جەتكىلىكتى ۇيىقتاماساڭىز، يممۋن جۇيەسى ءتيىمدى جۇمىس ىستەمەيدى. سوندىقتان كۇنىنە 7-8 ساعاتتان از ۇيىقتاماۋ كەرەك.
2. قوزعالىستىڭ ازدىعى
فيزيكالىق بەلسەندىلىكتىڭ بولماۋى يممۋنيتەتتى ناشارلاتادى. كوپ قيمىلدامايتىن ادامدار فيزيكالىق بەلسەندى ادامدارعا قاراعاندا تىنىس الۋ مۇشەلەرىنىڭ اۋرۋىنان ورتا ەسەپپەن 42 پايىزعا كوپ زارداپ شەگەدى. كۇندىزگى جاتتىعۋلارعا كەم دەگەندە جارتى ساعات ۋاقىت ءبولىڭىز.
3. جالعىزدىق
كوپ ۋاقىت جالعىز جۇرگەن ادامنىڭ نورادرەنالين گورمونىنىڭ دەڭگەيى جوعارىلايدى. توتەنشە جاعدايلاردا بۇل گورمون جارالاردى ەمدەۋگە كومەكتەسەتىن اق قان جاسۋشالارىنىڭ پايدا بولۋىنا جاۋاپ بەرەدى. الايدا ەگەر نورەپينەفرين دەڭگەيى ۇزاق ۋاقىت بويى ادەتتەگىدەن جوعارى بولسا، ول يممۋن جۇيەسىنىڭ ءبىر بولىگىن جاۋىپ، جۇقپالى اۋرۋلارعا بەيىمدىلىكتى ارتتىرا باستايدى.
4. كۇيزەلىستەن شىعا الماۋ
ۇزاق ۋاقىت ءبىر نارسەگە الاڭداعان ادامنىڭ يممۋن جۇيەسى ناشارلاي باستايدى. مىسالى كۇيزەلىسكە ۇشىراعان ادامدار باسقالارعا قاراندا تۇماۋعا كوبىرەك شالدىعادى.
5. ىشىمدىك
الكوگولدى ۇنەمى پايدالانۋ اق قان جاسۋشالارىنىڭ ۆيرۋس، ينفەكتسيامەن كۇرەسۋ تيىمدىلىگىن تومەندەتەدى.
6. قانىققان مايلار
قانىققان مايلاردى ۇنەمى تۇتىنۋ يممۋن جۇيەسىنىڭ جۇمىسىن كوبەيتەدى جانە قابىنۋ قاۋپىن ارتتىرادى. زياندى مايلاردى پايدالى مايمەن اۋىستىرىڭىز. مىسالى سيىر ەتىنىڭ ورنىنا بالىق جەۋ كەرەك.
7. تۋىس يممۋنيتەتتىڭ تومەندەۋى
ادامدار ءبىراز ۋاقىت بىرگە ءومىر سۇرگەندە ولاردىڭ يممۋن جۇيەسى ءبىر-بىرىنە ۇقساي باستايدى. بۇل ءىشىنارا ادەتتەردىڭ بىردەي بولۋىنا بايلانىستى. ەگەر ءسىزدىڭ جاقىندارىڭىزدىڭ يممۋنيتەتى تومەن بولسا، وندا ءسىز وزىڭىزگە دە كوڭىل ءبولىڭىز. مۇمكىن سىزگە ادەتتەگى ءومىر سالتىڭىزدى وزگەرتۋ كەرەك شىعار.
8. انتيبيوتيكتەر
انتيبيوتيك ىشكەندە وتە ساق بولۋ كەرەك. ولار ءسىزدىڭ يممۋن جۇيەڭىز بەن باكتەريالار اراسىنداعى بايلانىستى بۇزادى. ادەتتە انتيبيوتيكتەر اۋرۋدى تەزىرەك جەڭۋگە كومەكتەسەدى، ءبىراق ساۋىققاننان كەيىن ءسىزدىڭ يممۋن جۇيەڭىز بۇرىنعىعا قاراعاندا السىرەپ، جۇقپالى اۋرۋدى جۇقتىرۋعا كوبىرەك بەيىم بولادى.
massaget.kz
