قازاقپارات كۇنتىزبەسى: 8- جەلتوقسان
اتاۋلى كۇندەر
حالىقارالىق سۋرەتشىلەر كۇنى
اتاۋلى كۇن الەمدىك اۋقىمداعى قوعامدىق-ماڭىزدى وقيعالار كۇنتىزبەسىنە 2007-جىلى ەنگىزىلدى. وعان «الەم حالىقتارى ونەرى» حالىقارالىق قاۋىمداستىعىنىڭ وكىلدەرى باستاماشىل بولدى.
ەستە قالار وقيعالار
1991 -جىلى مينسكىدە تاۋەلسىز مەملەكەتتەر دوستاستىعى (ت م د) قۇرۋ تۋرالى شەشىم قابىلداندى.
1991 -جىلى 21- جەلتوقسان كۇنى الماتىدا ت م د- نىڭ باستى قاعيدالارى مەن ماقساتتارى دەكلاراتسياسىنا بەلارۋس، رەسەي، ۋكراينا، ازەربايجان، ارمەنيا، قازاقستان، قىرعىزستان، مولدوۆا، تاجىكستان، تۇرىكمەنستان، وزبەكستان قول قويدى.
1993 -جىلى ت م د- نىڭ جارعىسى قابىلداندى. مەملەكەت باسشىلارىنىڭ كەڭەسى، ۇكىمەت باسشىلارىنىڭ كەڭەسى، سىرتقى ىستەر مينيسترلەرىنىڭ كەڭەسى، مەملەكەتارالىق ەكونوميكالىق كەڭەس، سانكت-پەتەربۋرگتاعى ۇكىمەتارالىق اسسامبلەيانىڭ ورتالىعى سەكىلدى تاعى باسقا ورگاندارى قۇرىلدى. ت م د- نىڭ تۇراقتى جۇمىس ىستەيتىن ورگانى - مينسكىدەگى ۇيلەستىرۋ كەڭەسى كوميتەتى.
1992 -جىلى قازاقستان رەسپۋبليكاسىنىڭ ينجەنەرلىك اكادەمياسى قۇرىلدى، ونىڭ پرەزيدەنتى بولىپ ءو. جولداسبەكوۆ تاعايىندالدى. قازىرگى كۇنى ۇلتتىق ينجەنەرلىك اكادەميا قۇرامىندا 20 دان استام عىلىمي-ءوندىرىس ورتالىقتارى جۇمىس ىستەيدى، ول بۇكىل قازاقستانداعى تەحنوپاركتەردىڭ قۇرىلۋى مەن دامۋىنا بەلسەندى قاتىسادى، ونىڭ بولىمدەرى مەن فيليالدارى ايماقتاعى ءوندىرۋشى كاسىپورىندارمەن تىعىز بايلانىستا.
2009 -جىلى وساكادا (جاپونيا) قازاقستان رەسپۋبليكاسى قۇرمەتتى كونسۋلدىعىنىڭ اشىلۋ ءراسىمى بولىپ ءوتتى. قۇرمەتتى كونسۋل بولىپ الەمگە تانىمال «توشيبا» كورپوراتسياسىنىڭ ۆيتسە- پرەزيدەنتى شيرو كاۆاشيتا تاعايىندالدى.
2010 -جىلى نيۋ-يوركتەگى Christie's اۋكتسيونىنا قازاقستاندىق كوركەمسۋرەت جانە ءمۇسىن شەبەرلەرىنىڭ جۇمىستارى شىعارىلدى. بۇل قازاقستان ءۇشىن ەرەكشە وقيعا بولدى. تانىمال اۋكتسيون ءۇيىنىڭ 230 جىلدىق تاريحىندا مۇندا قازاقستاندىقتاردىڭ جۇمىستارى العاش رەت ساتىلىمعا شىعارىلدى.
2010 -جىلى قازاقستاندىق كورنەكتى قوعام قايراتكەرلەرى ەركەعالي راحماديەۆ پەن جابايحان ابدىلدينگە حالىقارالىق «دريەۆو جيزني» ماراپاتى تابىستالدى. اتالمىش ماراپاتتى رەسەي فەدەراتسياسى كەڭەسىنىڭ قولداۋىمەن ت م د قاتىسۋشى-ەلدەرىنىڭ پارلامەنتارالىق اسسامبلەياسى، «دريەۆو جيزني» قورى جانە «ارت-اسسامبلەيا» پروديۋسەرلىك ورتالىعى بەكىتكەن. ونەر، عىلىم، مادەنيەت، ساياسات جانە سپورتتاعى كورنەكتى قوعام قايراتكەرلەرىنە عۇمىرىن شىعارماشىلىققا ارناعانى ءۇشىن بەرىلەدى.
2014 -جىلى قازاقستان مەن باگام ارالدارى ديپلوماتيالىق قارىم-قاتىناس ورناتتى. ديپلوماتيالىق سەرىكتەستىك ق ر- نىڭ كاناداداعى ەلشىسى كونستانتين جيگالوۆتىڭ باگام استاناسى ناسساۋ قالاسىنا ساپارى كەزىندە ورنادى.
2015-جىلى نيۋ-يوركتە ب ۇ ۇ باس اسسامبلەياسىنىڭ جالپى وتىرىسىندا قازاقستاننىڭ باستاماسىمەن يادرولىق قارۋدان ازات الەم قۇرۋ تۋرالى جالپىعا ورتاق دەكلاراتسيا بەكىتىلدى. ءتۇرلى قۇرلىقتار مەن وڭىرلىك توپتار اتىنان وكىلدىك ەتكەن 35 مەملەكەت - ءتيىستى قاراردىڭ تەڭ اۆتورى.
2015 -جىلى الماتى وبلىسىنىڭ قاراتال اۋدانىندا تولە ءبيدىڭ نەمەرەسى، جالايىر رۋىنان شىققان، قازاق حالقىنىڭ تاريحىندا ورنى ەرەكشە تۇلعا - ەسكەلدى ءبي (1695-1770) كەسەنەسى قايتا جاڭارتىلىپ اشىلدى.
ەسكەلدى جىلكەلدى ۇلى اتاقتى تولە ءبيدىڭ ۇلانبيكە اتتى قىزىنان تۋعان جيەن نەمەرەسى. ءادىل تورەلىگى مەن بويىنداعى قاسيەتى اڭىزعا اينالعان تاريحي تۇلعا. جوڭعار شاپقىنشىلىعى كەزىندە ەسكەلدى ءبي ەرەكشە قايسارلىق تانىتقان.
2016 -جىلى ەۋروپالىق كوميسسيا بارلىق قازاقستاندىق اۆياكومپانيالاردى قاۋىپسىزدىك ستاندارتتارىنا سايكەس كەلمەيتىن ۇشىرۋلاردىڭ قاۋىپسىزدىگى بويىنشا «قارا تىزىمنەن» الىپ تاستادى.
2017 -جىلى استانادا قازاقستان حالقى اسسامبلەياسى مەتسەناتتاردىڭ رەسپۋبليكالىق فورۋمىن وتكىزدى. شارا اياسىندا ۇيىمنىڭ «جومارت جان» اتتى توسبەلگىسى العاش رەت تابىستالدى.
2018 -جىلى استانادا تۋريزم سالاسىنداعى «National Tourism Awards» تۇڭعىش ۇلتتىق پرەمياسىن تابىستاۋ سالتاناتى ءوتتى. پرەميا تۋريستىك مادەنيەتتى قالىپتاستىرۋ، سالا قاتىسۋشىلارىنىڭ كاسىبيلىگىن ارتتىرۋ جانە تۋريستىك قىزمەتتەردىڭ ساپاسىن جاقسارتۋ ارقىلى وتاندىق تۋريزمدى دامىتۋعا باعىتتالعان.
