تارازدا تاۋلىگىنە 8 مىڭ توننا بالمۇزداق شىعاراتىن سەح ىسكە قوسىلادى
جامبىل وبلىسىنىڭ اكىمى بەردىبەك ساپاربايەۆ تسەحتا بولىپ، تەحنولوگيالىق جەلىمەن تانىستى. باس ديرەكتور پاتوحبەردي تاليپوۆ سەح ىسكە قوسۋعا دايىن ەكەنىن، ينفراقۇرىلىمدى جۇرگىزۋ ماسەلەلەرىن شەشۋ قاجەت ەكەنىن ايتتى. ءوڭىر باسشىسى وعان جان- جاقتى قولداۋ كورسەتىلەتىنىنە سەندىردى. ول كاسىپكەرلىك جانە يندۋستريالدى- يننوۆاتسيالىق دامىتۋ باسقارماسىنا ءتيىستى تاپسىرما جۇكتەدى.
«بيزنەستىڭ جول كارتاسى-2025» باعدارلاماسى بويىنشا وبلىسىمىزعا اۋقىمدى قارجى بولىنۋدە. ماسەلە جوبالاردىڭ ازدىعىندا بولىپ وتىر. بيزنەس يدەيالاردى قولداۋ ءۇشىن بارلىق مۇمكىندىك بار. تەك ماسەلەنى دەر كەزىندە كوتەرە ءبىلۋ كەرەك»، - دەدى وبلىس اكىمى.
جوبا قۇنى 800 ميلليون تەڭگە. قۋاتتىلىعى تاۋلىگىنە 8 مىڭ تونناعا شاقتالعان. مۇندا بالمۇزداقتىڭ 30 ءتۇرىن شىعارۋ جوسپارلانىپ وتىر. سەرىكتەستىكتىڭ باسقارۋشى ديرەكتورى راحات ءاشىموۆتىڭ ايتۋىنشا، كاسىپورىندا جۇزدەن استام جاڭا جۇمىس ورنى اشىلماق. ول جازدا ۇزدىكسىز ءونىم وندىرۋگە مۇمكىندىك بار ەكەنىن جەتكىزدى.
