ۇيقى تۋرالى 8 ميف

بۇل سۇراقتارعا جاۋاپ بەرۋ ءۇشىن، نازارىڭىزعا امەريكالىق Sleep Health Foundation ۇيىمىنىڭ ماتەريالىن اۋدارىپ، ۇيقى تۋرالى 8 ميفتى ۇسىنامىز.

1 ميف: ۇيقى كەزىندە مي جۇمىسى توقتايدى

شىن مانىندە ۇيقى كەزىندە مي بەلسەندى جۇمىس ىستەيدى. ول وتكەن كۇندەگى اقپاراتتى وڭدەپ، ونى جادىعا بەكىتەدى. بۇل - كوگنيتيۆ فۋنكتسيانى ورىنداۋ ءۇشىن كەرەك پروتسەسس.

2 ميف: از ۇيىقتاپ ۇيرەنۋگە بولادى

ۇيقىعا قاجەت ۋاقىت ءار ادامدا ءارتۇرلى. ورتا ەسەپپەن ەرەسەك ادامعا ءبىر تاۋلىكتە 8 ساعات ۇيىقتاۋ كەرەك. كەيبىرىنە بۇل دا جەتكىلىكسىز بولۋى مۇمكىن. قالاي بولعاندا دا قاجەت ۋاقىتتان ازىراق ۇيىقتاپ، اعزا جۇيەسىن وزگەرتۋگە بولادى دەگەن وي - الدامشى. ۇيقى - اعزا قالىپقا كەلەتىن ۋاقىت. سوندىقتان ۇيقى قانباي قالسا، اعزا دۇرىس جۇمىس ىستەمەيدى.

3 ميف: ءبىر ۇيىقتاعاندا مولىنان ۇيىقتاپ الىپ، اپتالاپ از-ازدان ۇيىقتاۋعا بولادى

الدىن الا ۇيقى قاندىرىپ، كۇش جيناپ الۋ مۇمكىن ەمەس. ادام ءبيوريتمى بۇكىل اعزا جۇمىسىن سينحرونداۋعا ىقپال ەتەدى جانە ۇيقى - اعزانىڭ قالىپقا كەلەتىن ەڭ نەگىزگى كەزەڭى. ونى وتكىزىپ جىبەرۋگە بولمايدى. تولىققاندى، تۇراقتى ۇيقى كوگنيتيۆ پروتسەستى جاقسارتادى.

4 ميف: كۇندىز ۇيىقتاعاننىڭ پايداسى جوق

تۇندە قانباي قالعان ۇيقىنىڭ ورنىن كۇندىز تولتىرۋعا بولادى. ادامدار كۇندىزگى ۇيقىدان سوڭ ۇيقى-تۇيقىسى شىققانداي بولۋى مۇمكىن. بۇل ۇيقى «ينەرتسياسى» دەپ اتالادى. الايدا 15-20 مينۋتتان كەيىن اعزا قالپىنا كەلەدى.

5 ميف: ءبىز رەجيمدەگى وزگەرىسكە بىردەن بەيىمدەلە الامىز

تسيركاد ىرعاق بۇزىلسا (كۇن مەن ءتۇننىڭ اۋىسۋى)، بۇكىل اعزا السىرەيدى. اعزانىڭ ەرەكشەلىگىنە قاراي ادام قالىپتى رەجيمگە بىرنەشە كۇن ىشىندە ورالا الادى، الايدا ءبىر كۇن ىشىندە بەيىمدەلۋ مۇمكىن ەمەس.

6 ميف: ادام قارتايعان سايىن از ۇيىقتايدى

ءبىزدىڭ تولىققاندى ۇيقىنى قاجەتسىنۋىمىز جاس وسكەن سايىن وزگەرمەيدى. وسە كەلە ادامعا ۇيقىنىڭ قانباۋى اۋىر تيمەۋى مۇمكىن، ءبىراق مۇنىڭ دا كەرى سالدارى بار.

7 ميف: ءاردايىم قورىلداپ ۇيىقتاۋ - نورما

اندا- ساندا قورىلداپ ۇيىقتاۋ - قاراپايىم پروبلەما، الايدا ءاردايىم قورىلداپ ۇيىقتاعان ادامنىڭ تىنىس الۋ جۇيەسىندە پروبلەما بولۋى مۇمكىن.

8 ميف: جايسىز ۇيقىنىڭ نەگىزگى سەبەبى - سترەسس

سترەسس ۇيقىعا كەرى اسەر ەتەدى، ءبىراق ونى جايسىز ۇيقىنىڭ نەگىزگى سەبەبى دەۋگە بولمايدى. ەڭ ءبىرىنشى ۇيقى رەجيمىنە، ونىڭ مولشەرىنە، ۇيقى مەن بولمە جاعدايىنا نازار اۋدارۋ قاجەت.

massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى