الەمدە كوروناۆيرۋسكە 8 ميلليوننان استام ادام شالدىقتى

بۇل تۋرالى قازاقپارات امەريكاداعى دجون حوپكينس ۋنيۆەرسيتەتىنىڭ اقپاراتىنا سۇيەنىپ حابارلايدى.

ۋنيۆەرسيتەت مالىمەتتەرىنشە، الەمدە ىندەت جۇقتىرعانداردىڭ جالپى سانى قازىرگى كەزدە 8018742 ادامعا جەتكەن.

ونىڭ ىشىندە جازىلىپ شىققاندار سانى - 3816550. 436406 ناۋقاس كوز جۇمدى. ىندەت جۇقتىرۋ سانى بويىنشا ا ق ش كوش باستاپ تۇر. بۇگىندە وندا COVID-19-عا 2113901 ادام شالدىقتى. قايتىس بولعاندار سانى 116 مىڭ ادامنان استى. ەكىنشى ورىندا برازيليا تۇر.

وندا كوروناۆيرۋستى جۇقتىرۋدىڭ 888271 وقيعاسى تىركەلدى. بۇل ەل سونداي-اق، ىندەتتەن كوز جۇمعاندار سانى جاعىنان دا ەكىنشى ورىندا (43959 ادام).

ءتىزىمنىڭ ءۇشىنشى ورنىندا رەسەي ەلى ورنالاسقان. وندا كوروناۆيرۋسكە 536484 ادام شالدىقتى.

ايتا كەتۋ كەرەك، سولتۇستىك جانە وڭتۇستىك امەريكا، سونداي-اق ەۋروپا ەلدەرىمەن سالىستىرعاندا رەسەيدە كوروناۆيرۋستەن قايتىس بولعاندار سانى ايتارلىقتاي از - 7081.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى