نەگاتيۆ ويدان ارىلۋدىڭ 8 ءادىسى
1. فيزيكالىق كۇشتىڭ كومەگىنە جۇگىنۋ سپورتتىق جاتتىعۋدىڭ نەگاتيۆ ويدان الاڭداۋعا كومەكتەسەتىنى بۇرىندا دالەلدەنىپ قويعان. ءتىپتى، از جۇگىرۋدىڭ نەمەسە جەڭىل جاتتىعۋدىڭ ءوزى جامان ويدان جاقسى قۇتقارادى. جاتتىعۋ جاساۋدى كۇندەلىكتى ادەتكە اينالدىرعان ءجون. تولىققاندى سپورتپەن اينالىسۋعا ۋاقىت بولماسا دا، جەڭىل جاتتىعۋ جاساڭىز. بولمەنىڭ ءىشىن اينالىپ ءبىراز ءجۇرىڭىز، باسىڭىزدى، يىعىڭىزدى جانە قولىڭىزدى اينالدىرىڭىز. ەگەر كۇندە وڭاي جاتتىعۋ جاساپ جۇرسەڭىز، كوڭىل كۇيىڭىز ادەتتەگىدەن كوتەرىڭكى بولاتىنىن بايقايسىز.
2. ءار نارسەدەن پروبلەما كورمەۋ بولمايتىن نارسەنىڭ وزىنەن پروبلەما ويلاپ تابۋ ادەتى كوڭىل كۇيىڭىزدى بىردەن بۇزىپ جىبەرە الادى. كوبىنە ادامدار پروبلەمانى وزدەرى ويلاپ تابادى، ال ونىڭ قورقىنىشتى سالدارى قيالدان تۋادى. سوندىقتان اسىعىس شەشىم قابىلداماۋدى ۇيرەنىڭىز. ناشار ەموتسيانىڭ پايدا بولۋىنا ىقپال ەتەتىن ءار جاعدايدى سابىرمەن ويلانىپ، اقىلعا سالىپ كورۋى كەرەك. بۇل شىنىمەن دە اۋىر جاعداي ما؟ الدە اسا ۋايىمدايتىن ەشتەڭە جوق پا؟ جاعدايعا اناليز جۇرگىزگەن سوڭ جامان ويدىڭ ءبىرازى قولدان جاسالعانىن تۇسىنەسىز.
3. جاقىندارمەن ءبولىسۋ كەيدە جابىسقاق ويدان ارىلۋدىڭ دۇرىس جولى - ولاردى دىبىستاۋ. ۋايىمىڭىزدى جاقىندارىڭىزعا ايتىڭىز. ولاردان كەڭەس سۇراڭىز نەمەسە جاي ىشىڭىزدەگىنى سىرتقا شىعارىڭىز. ولاردىڭ ويىن ەستىگەن سوڭ جاعداي ءسىز ويلاعانداي قيىن ەمەس ەكەنىن ءتۇسىنۋىڭىز ابدەن مۇمكىن. ال ەگەر جاعداي شىنىمەن دە اۋىر بولسا، جاقىندارىڭىزدىڭ قولداۋى ارتىق بولمايدى. جاعدايعا باسقا قىرىنان قارايتىن اداممەن سويلەسكەن سوڭ شەشىم تابۋ جەڭىلدەي تۇسەدى. وعان قوسا، ادام ىشىندەگىسىن بىرەۋگە ايتقان سوڭ مىندەتتى تۇردە جەڭىلدەپ قالادى.
4. سەرگۋ باسىڭىز جامان ويلارعا تولىپ تۇرعان كەزدە سۋدان جاقسى كومەكتەسەتىن نارسە جوق. بۇل ستيحيا ادامنىڭ جان- دۇنيەسىن تىنىشتاندىرادى. مۇمكىندىك بولسا، باسسەينگە بارىپ ءجۇزىڭىز. ول ءبىر ۋاقىتتا سۋ پروتسەدۋراسى جانە فيزيكالىق بەلسەندىلىك بولادى. بىرنەشە مينۋتتىڭ ىشىندە بويىڭىزداعى اۋىر كۇش ءتۇسىپ، نەگاتيۆتەن جاعىمدى ويلارعا اۋىسا باستايسىز. جامان ويلاردىڭ سەبەبىنەن ۇيىقتاي الماساڭىز، جاتاردا ۆانناعا سۋعا تۇسكەن ءجون. ول بوساڭسىتىپ، تىنىشتاندىرادى. سول سەكىلدى دۋشقا تۇسۋگە بولادى. سۋدا ءجۇزۋ سپورتىنىڭ پايداسى
5. جاقسى نارسەلەرگە عانا ءمان بەرۋ الەمدە جامان نارسەلەر از ەمەس. ءبىراق وندا جاقسى زاتتار دا جەتكىلىكتى. الەم قىزىقتى ءارى جاعىمدى زاتتار مەن قۋانىشتى ساتتەرگە تولى. زەيىنىڭىزدى وسىنداي جاعدايلارعا قويىڭىز جانە ءار كۇنىڭىزدى كىشكەنە بولسىن جاقسى ەتۋدىڭ جولدارىن ىزدەڭىز. دوستارمەن كەزدەسىڭىز، كينو نەمەسە كونسەرتكە بارىڭىز، وزىڭىزگە سىيلىق الىڭىز. جاقسى كىتاپتار وقىڭىز، يۋتۋبتا تەك پوزيتيۆتى كانالداردى كورىڭىز، كوڭىلدى ءان تىڭداڭىز. سودان سوڭ كەلەسى كەزەڭگە ءوتىڭىز: دوستارىڭىزبەن نەمەسە جاقىندارىڭىزبەن تەك ءپوزيتيۆتى اڭگىمەلەر ايتۋدى باستاڭىز. جامان نارسەنى مۇلدەم ايتپاۋعا تىرىسىڭىز. ءدال سول ۋاقىتتا شەشۋ كەرەك پروبلەما بولماسا، ولارمەن ونى تالقىلاماۋعا تىرىسىڭىز. اگرەسسيۆتى پىكىرتالاسقا قاتىسپاڭىز.
6. ءۇيدى رەتتەۋ ءۇيدىڭ ءىشى، جالپى اينالاڭىز رەتتەلىپ تۇرسا، ويلارىڭىزدا سونداي بولادى. ۇيگە تولىق تازالاۋ جۇمىسىن جۇرگىزۋ نەمەسە بولمەنىڭ ءىشىن باسقاشا جايعاستىرۋ پروبلەمالار مەن ۋايىمنان جاقسى الاڭداتادى. وعان قوسا، تازا ءارى رەت- رەتىمەن تۇرعان جەردە وتىرۋ جاعىمدىراق. سونداي- اق زاتتاردى تەكسەرىستەن وتكىزۋ - ءوزىڭىزدى تۇسىنۋگە كومەكتەسەتىن ءادىستىڭ ءبىرى.
7. ءوزىڭدى قابىلداۋ ەگەر بارلىق نەگاتيۆ ويلاردىڭ سەبەبى - ءوزىڭىز بولساڭىز، ءوزىڭىزدى قابىلداۋعا تىرىسىڭىز. بارلىق ادامدا كەمشىلىك بولادى، سوندىقتان ۇنەمى ءار نارسەگە ءوزىڭىزدى كىنالاي بەرۋگە بولمايدى. ودان جاعداي وزگەرمەيدى، ءوزىڭىزدى سىناي بەرگەننەن جاعداي تەك ناشارلاي تۇسەدى: سوزىلمالى كۇيزەلىسكە ۇشىراۋىڭىز ابدەن مۇمكىن. ءسىز جامان دەپ سانايتىن قاسيەتىڭىزدىڭ جاقسى جاعىن كورۋگە تىرىسىڭىز. وزىڭىزگە اناليز جۇرگىزۋدىڭ ادىستەرى كوپ. ونىڭ ەڭ قاراپايىم ءتۇرى - وزىڭىزگە سىرتتان قاراۋ. ول قاسيەتىڭىز شىنىمەن دە سونداي جامان با؟ وزىڭىزگە وتە قاتال ەمەسسىز بە؟ ەگەر ول شىنىمەن سىزگە جاعىمسىزدىقتار اكەلسە، ودان ارىلۋ ءۇشىن نە ىستەي الاسىز؟ وسىلايشا، ارى قاراي ءوز- ءوزىڭىزدى دامىتۋدى قولعا الىڭىز.
8. قازىرگى ساتپەن ءومىر ءسۇرۋ «سول كەزدە باسقاشا ىستەگەنىمدە، قالاي بولار ەدى؟ « دەگەن سەكىلدى ويلاردان ارىلىڭىز. قازىرگى ۋاقىتتا ءومىر ءسۇرۋ كەرەك. وتكىزىپ العان مۇمكىندىكتەردى نەمەسە قاتەلدىكتەردى ويلاۋدىڭ قاجەتى جوق. بۇگىن ولاردىڭ ەشقايسىسىن وزگەرتە المايسىز. ەندەشە، ولاردى ويلاي بەرۋدىڭ نە ءمانى بار؟ سول جاعدايدان قانداي تاجىريبە الۋعا بولاتىنىن عانا ويلاۋعا بولادى. ءبىراق بۇل اناليزگە كوپ ۋاقىت كەتىرۋدىڭ قاجەتى جوق.
Massaget.kz
