قىزىلوردادا كەشە تىركەلگەن 8 ادام كوروناۆيرۋس ينفەكتسياسىن قايدان جۇقتىردى

ولاردىڭ التاۋى سىرداريا اۋدانىنان تىركەلسە، ەكەۋى قىزىلوردا قالاسىندا تۇرادى.

جاس شاماسى بويىنشا ەڭ ۇلكەنى 1970-جىلى دۇنيەگە كەلگەن ەر ادام بولسا، ەڭ جاسى 2002-جىلعى قىز بالا. بارلىعى بۇدان بۇرىن كوروناۆيرۋس ينفەكتسياسىمەن اۋىرعان اداممەن قارىم-قاتىناستا بولعان.

«قازىر وبلىستا اتالعان دياگنوز قويىلعان 100 ادام بار. اۋرۋ وشاقتارىندا دەزينفەكتسيالىق جۇمىستار جۇرگىزىلىپ جاتىر. قارىم-قاتىناستا بولعان ادامدار انىقتالۋدا. بۇگىنگى كۇنگە دەيىن جۇرگىزىلگەن ەپيدزەرتتەۋ ناتيجەسى بويىنشا ناۋقاستارمەن بايلانىستا بولعان 1174 ازامات انىقتالدى. ونىڭ ىشىندە تىعىز قارىم-قاتىناستا بولعاندار سانى - 585، ىقتيمال قارىم-قاتىناستا بولعاندار سانى - 589 ادام. ستاتسيونارلاردا مەديتسينالىق باقىلاۋعا 545 ادام الىندى، ءۇي جاعدايىنداعى باقىلاۋداعىلاردىڭ سانى - 629 ادام»، - دەپ ءمالىم ەتتى قىزىلوردا وبلىسىنىڭ تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى.

9- ساۋىردەگى جاعداي بويىنشا ايماقتا كوروناۆيرۋس ينفەكتسياسىنا شالدىققان 100 ادام انىقتالدى. ونىڭ ىشىندە قىزىلوردا قالاسىندا - 12 جاعداي تىركەلسە، اۋداندار بويىنشا جاڭاقورعاندا -16، قارماقشىدا - 4، شيەلىدە - 52، سىرداريادا - 14، ارالدا - 2 جاعداي ورىن الدى.

بۇدان بۇرىن قىزىلوردا وبلىسىندا كوروناۆيرۋس جۇقتىرعان جۇكتى ايەل امان-ەسەن بوسانعاندىعى حابارلاندى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى