قىتايدا سالىنىپ جاتقان عيمارات قۇلاپ، 8 ادام مەرت بولدى
جەرگىلىكتى بيلىك وكىلدەرىنىڭ ايتۋىنشا، وقىس وقيعا جەرگىلىكتى ۋاقىتپەن 16:21 دە قۇرىلىس الاڭىندا بولعان. جەر استىنا سالىنىپ جاتقان اۆتوتۇراقتا اپات بولعان كەزدە 14 ادام جۇمىس ىستەپ جاتقان. ءۇش جۇمىسشى قاشىپ ۇلگەرگەن، تاعى بىرەۋى قۇتقارىلعان، ون جۇمىسشىنى ءۇيىندى باسىپ قالعان.
قۇتقارۋ جۇمىسى 11 ساعاتقا سوزىلعان. ءۇيىندىنىڭ استىنان سەگىز ادامنىڭ دەنەسى تابىلدى، ەكى ادام اۋرۋحاناعا جەتكىزىلگەن.
وقيعاعا قاتىستى تەرگەۋ ءجۇرىپ جاتىر.
