ەلىمىزدىڭ 8 وڭىرىندە ۇسىك جۇرەدى
كەي جەرلەردە تۇندە كوبىنە جاڭبىر تۇرىندەگى جاۋىن-شاشىن جاۋادى. رەسپۋبليكانىڭ تەك وڭتۇستىك-شىعىسىندا، وڭتۇستىگىندە انتيسيكلون جوتاسىنىڭ ورنالاسۋىنا بايلانىستى جاۋىن-شاشىنسىز اۋا رايى بولجانادى. جەكەلەگەن وڭىرلەردە تۇمان كۇتىلەدى، جەلدىڭ كۇشى 15-20 م/س كۇشەيەدى، دەپ حابارلايدى قازاقپارات.
«قازگيدرومەت» رمك مالىمەتىنشە، قوستاناي، سولتۇستىك قازاقستان، قاراعاندى وبلىستارىنىڭ كەي جەرلەرىندە تۇمان، 15-20 م/س ەكپىندەگى جەل بولجانادى.
جامبىل، تاڭەرتەڭ جانە كۇندىز تۇركىستان، كۇندىز قوستاناي، اقمولا وبلىستارىنىڭ كەي جەرلەرىندە جەل 15-20 م/س كۇشەيەدى.
ماڭعىستاۋ، باتىس قازاقستان تۇندە جانە تاڭەرتەڭ اقتوبە، پاۆلودار وبلىستارىنىڭ كەي جەرلەرىندە تۇمان كۇتىلەدى.
اقمولا، اتىراۋ، اقتوبە، قوستاناي، سولتۇستىك قازاقستان، پاۆلودار، قاراعاندى، شىعىس قازاقستان وبلىستارىنىڭ تۇندە كەي جەرلەرىندە 1-3 گرادۋس ۇسىك كۇتىلەدى.
قىزىلوردا، تۇركىستان وبلىستارىندا، جامبىل وبلىسىنىڭ كەي جەرلەرىندە، كاراعاندى وبلىسىنىڭ وڭتۇستىك، وڭتۇستىك- شىعىسىندا، باتىس قازاقستان وبلىسىنىڭ وڭتۇستىگىندە وتە جوعارى ءورت قاۋپى ساقتالادى.
