عالىمدار ادام اعزاسىن ءجيى ۋلايتىن قاراپايىم تاعامنىڭ 8 ءتۇرىن اتادى
Stan.kz ادام اعزاسىنا زيان كەلتىرۋ قاۋپى بار تاعام تۇرلەرىنىڭ ءتىزىمىن جاسادى.
قوعام قىزىعۋشىلىقتارى عىلىمي ورتالىعىنىڭ قىزمەتكەرلەرى 12 جىل بويى ستاتيستيكاعا تالداۋ جاسادى. ولار ادامنىڭ ۋلانۋىنا الىپ كەلەتىن تاعام تۇرلەرىن اتادى. جاسىل سالات ءبىرىنشى ورىندا تۇر. ول 13568 اۋرۋدىڭ ىشىندە 363 رەت ۋلانۋعا سەبەپ بولدى. سوندىقتان، سىرتىنان جاقسى قاپتالعان نەمەسە پايدالانۋعا جارامدى دەگەن جازۋ بولسا دا قولدانار الدىندا مۇقيات بولعان ءجون.
تاۋىقتان جۇعاتىن قوقىسى بار جۇمىرتقا سالمونەللا ۆيرۋسىن جۇقتىرادى. بۇل اسىرەسە بالالار، ەگدە ادامدار جانە يممۋنيتەتى ءالسىز ادامدارعا وتە قاۋىپتى. ەگەر ونىڭ سىرتى تازا بولماسا پايدالانىار الدىندا جۋۋعا 1 مينۋتتاي ۋاقىت جۇمساڭىز.
ادام ۋلانۋى ءۇشىن قۇرامىندا كامپيلوباكتەر باكتەرياسى بار شيكى تاۋىق ەتىنىڭ سۋى جەتكىلىكتى. ول اس قورىتۋ جۇيەسىن بۇزىپ، ليحورادكا اۋرۋىن تۋعىزادى. ءبىز ەتتى قولىمىزعا ۇستاپ، الجاپقىشقا، ۇستەلە اپارعاندا ونداعى زيان باكتەريالار بارلىق جەرگە تارالادى. سوندىقتان ەتتى ساتىپ العاننان كەيىن بولەك تاقتايعا كەسىپ، پايدالانىلعان پىشاقتى قايناعان سۋمەن جۋىپ، قاۋىپتىڭ الدىن الىڭىز.
بالىقتى دۇرىس ساقتاماي نەمەسە مۇزىنان دۇرىس جىبىتپەسەڭىز ۋلى سكومبروتوكسين اقۋىزى پايدا بولادى. ول ۋلانۋ، بورتپە، قۇسۋ، ءىشتىڭ اۋىرۋى، ديارەيا، تاحيكارديا جانە كورۋ قابىلەتىنىڭ جوعالۋىنا الىپ كەلەدى. مۇزدى بالىقتى جىبىتەر كەزدە اۋا جىبەرىپ الماي توڭازىتقىشتىڭ تومەنگى سورەسىنە جىلجىتامىز. سالماعى 2 ك گ بولاتىن بالىق ءجىبۋ ءۇشىن 24 ساعاتتى الۋ مۇمكىن.
ىرمىشىكتەردە ۋلى زاتتار بولمايدى. ءبىراق، ءوندىرىس كەزىندە ونىڭ قۇرامى ۋلانۋعا الىپ كەلەتىن وزگەرىسكە ۇشىرايدى. ەگەر ىرمىشىك سۇزىلمەگەن سۇتتەن جاسالاتىن بولسا برۋتسەللەز جانە ليستەريوز اۋرۋلارىن جۇقتىرۋ ءقاۋپى بار. سوندىقتان ىرمىشىك ساتىپ الاردا ماركاسىنا قاراپ، تەكسەرىپ العانىڭىز ءجون.
زەرتتەۋ ناتيجەسى بويىنشا، شۇجىق جانە جارتىلاي دايىندالعان ەت ونىمدەرىنىڭ 12 پايىزىنان ىشەك تاياقشالارى مەن پاتوگەندىك ميكروورگانيزمدەر (ليستەريا جانە سالمونەللا) تابىلادى. بۇل اسىرەسە كىشكەنتاي بالالارعا جانە ەگدە ادامدارعا وتە زيان. سەبەبى، ول جۇيكە جۇيەسىنە زاقىم كەلتىرىپ، مەنينگيتكە شالدىقتىرۋى مۇمكىن.
ساراپشىلار تارتىلعان ەتتەن انتيميكروبتى زاتتار، سالمونەللا جانە ليستەريوز تاپتى. سوندىقتان كوتلەت جاسار كەزدە ونىڭ كولەمىن جۇقا ەتىپ الىپ، ۇزاق قۋىرعان دۇرىس.
زەرتتەۋ ناتيجەسىندە بۇل ءونىمنىڭ قۇرامىنداعى اشىتقى مولشەرى ادەتتەگىدەن اسىپ كەتەدى. بۇل سانيتارلىق تالاپتاعا ساي ەمەس. سوندىقتان تەڭز ونىمدەرىن تاڭداعان كەزدە مۇز قاتقان ءتۇرىن العانىڭىز ءجون.
