يراندا 8 ءالپينيستىڭ ءمايىتى تابىلدى

«قۇتقارۋشىلار يراننىڭ باتىس ايماعىنداعى لورەستان پروۆينتسياسىنان 8 ءالپينيستىڭ ءمايىتىن تاۋىپ الدى، تاعى بىرەۋى ءىز-ءتۇسسىز جوعالىپ كەتكەن»، - دەدى پروۆينتسيانىڭ داعدارىستى احۋال باسقارماسىنىڭ باسشىسى رەزا ارياي.

بەيسەنبى كۇنى 15 يراندىق الپينيستەر توبى لورەستان پروۆينتسياسىنداعى وشتورانكۋح تاۋىنىڭ بيىگىنە كوتەرىلگەن. الايدا، تاۋدان تۇسەر كەزىندە ولارعا قار كوشكىنى قۇلاعان.

وقيعاعا بايلانىستى شتاب قۇرىلدى. ەكى تىكۇشاق پەن 60 قۇتقارۋشى ىزدەۋ جۇمىستارىنا جۇمىلدىرىلدى. ىزدەۋ جۇمىستارى ناتيجەسىندە 8 ادامنىڭ ءمايىتى تابىلدى، ەندى بىرەۋى ءىز- ءتۇسسىز كەتكەندەر قاتارىندا.

قۇتقارۋ وپەراتسياسىنىڭ ءبىرىنشى كۇنىندە امان قالعان التى الپينيست تابىلعان بولاتىن، قازىر ولاردىڭ جاعدايلارى تۇراقتى.

ايتا كەتەيىك، يران رەسپۋبليكاسى لورەستان پروۆينتسياسىنىڭ شىعىسىندا ورنالاسقان وشتەرانكۋح تاۋى يران ءالپى تاۋى رەتىندە تانىمال. تاۋدىڭ بيىكتىگى - 4150 مەتر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى