قازاقستاندا 8 -تامىز كۇنى اپتاپ ىستىق ساقتالادى

اتموسفەرالىق فرونتتاردىڭ وتۋىنە بايلانىستى رەسپۋبليكانىڭ تەك سوتۇستىگىندە، باتىسىندا جانە شىعىسىندا اۋا رايى قۇبىلمالى بولادى، جاڭبىر جاۋىپ، نايزاعاي وينايدى، بۇرشاق پەن داۋىل كۇتىلەدى، دەپ حابارلايدى قازاقپارات «قازگيدرومەت» ر م ك- عا سىلتەمە جاساپ.

اتاپ ايتقاندا، شىعىس قازاقستان وبلىسىنىڭ كەي جەرلەرىندە 17-22 م/س ەكپىنمەن سوققان جەلدىڭ جىلدامدىعى 30 م/س ارتۋى مۇمكىن، جەكەلەگەن اۋدانداردا بۇرشاق جاۋىپ، داۋىل تۇرۋى ىقتيمال.

پاۆلودار وبلىسىنىڭ جەكەلەگەن جەرلەرىندە 15-20 م/س ەكپىنمەن سوققان جەل 23-28 م/س كۇشەيۋى مۇمكىن.

وڭتۇستىك قازاقستان، كۇندىز  قىزىلوردا وبلىستارىنىڭ كەي اۋماقتارىندا جەلدىڭ جىلدامدىعى 25 م/س دەيىن ارتىپ، شاڭدى داۋىل كوتەرىلۋى مۇمكىن.

سولتۇستىك قازاقستان وبلىسىنىڭ كەي جەرىندە جەل 15-20 م/س كۇشەيىپ، كۇندىز جەكەلەگەن اۋدانداردا بۇرشاق، داۋىل بولۋى ىقتيمال.

باتىس قازاقستان، قوستاناي وبلىستارىندا 15-20 م/س جىلدامدىقتا جەل سوعادى، باتىس قازاقستان وبلىسىنىڭ كەي جەرلەرىندە بۇرشاق جاۋۋى مۇمكىن.

جامبىل وبلىسىندا 15-20 م/س ەكپىنمەن سوققان جەلمەن شاڭدى داۋىل كوتەرىلەدى.

اتىراۋ، ماڭعىستاۋ، الماتى، جامبىل، كىزىلوردا، وڭتۇستىك قازاقستان، قوستاناي، قاراعاندى وبلىستارىندا قاتتى ىستىق كۇتىلەدى. باتىس قازاقستان، اقتوبە وبلىستىرىندا دا اۋا تەمپەراتۋراسى جوعارى بولادى، كەي جەرلەردە قاتتى ىستىق بولجانادى.

سونداي- اق اتىراۋ، قىزىلوردا، الماتى، كەي جەرلەردە جامبىل، وڭتۇستىك قازاقستان، باتىس قازاقستان، اقتوبە، قاراعاندى، شىعىس قازاقستان وبلىستارىندا جوعارى ءورت قاۋپى ساقتالادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى