ماڭعىستاۋلىق 8 جاسار پيانينوشى حالىقارالىق كونكۋرسىتا ءبىرىنشى ورىندى جەڭىپ الدى
سونداي-اق، ءامينا احمەت جانە عازيزا جۇبانوۆتار شىعارماسىن ۇزدىك ورىنداعانى ءۇشىن گراموتامەن ماراپاتتالدى. بايقاۋ تاۋەلسىزدىكتىڭ 25 جىلدىعى مەن الماتى قالاسىنىڭ 1000 جىلدىعىنا وراي ۇيىمداستىرىلعان، دەپ حابارلايدى ماڭعىستاۋ وبلىسى اكىمىنىڭ باسپا ءسوز قىزمەتى.
7 مەن 25 ارالىعىنداعى 100 مۋزىكانت رويالدە ويناعان. بالالار مەن جوعارى مۋزىكالىق مەكتەپتەردىڭ وقۋشىلارى الەم كلاسسيكتەرى مەن قازاق سازگەرلەرىنىڭ شىعارمالارىن ورىندادى. ولار جاس دەڭگەيلەرىنە قاراي باعالاندى.
ءادىلقازىلار قۇرامىندا ارنايى شاقىرىلعان بەلگىلى پيانينوشى، اۆستريالىق مۋزىكالىق ۋنيۆەرسيتەتتىڭ پروفەسسورى ولەگ مارشيەۆ تە بولدى. ءامينانىڭ تالىمگەرى 20 جىل بويى دارىندى پيانينوشىلار دايىنداعان ۇلاعاتتى ۇستاز. ونىڭ وقۋشىلارى شىعارمالاردى كوركەم جانە شەبەر ورىنداۋىمەن ەرەكشەلەنەدى.
- ءامينا فورتەپيانو ءبولىمىنىڭ ەكىنشى سىنىبىندا وقيدى. 8 جاسار پيانينوشى ءۇشىن بۇل ءبىرىنشى جەڭىس ەمەس. وسىعان دەيىن الماتى قالاسىندا وتكەن «جاس قانات» حالىقارالىق سايىسىندا Ⅱ ورىن، ماسكەۋ قالاسىندا بولعان حالىقارالىق «وزورنايا ۆەسنا» ينتەرنەت-سايىسىندا 1- دارەجەدەگى ديپلوم، «ونەرىم- ەلىمە» V وبلىستىق بايقاۋىندا 1- ورىنعا يە بولدى، - دەپ اتاپ ءوتتى ليۋبوۆ ميتيانينا.
