قازاقستان زاڭناماسىن بۇزعان 8 مىڭعا جۋىق شەتەلدىك ەلدەن قۋىلدى
بۇل تۋرالى «قازاقپارات» اگەنتتىگىنىڭ رەسمي ساۋالىنا جاۋاپ بەرگەن ق ر ءى ءى م مەملەكەتتىك ءتىل جانە اقپارات دەپارتامەنتىنەن حابارلاندى.
«2016 -جىلدىڭ 8 ايىندا ىشكى ىستەر ورگاندارىندا 1059239 شەتەل ازاماتى ۋاقىتشا تىركەلدى. زاڭسىز ميگرانتتاردىڭ جولىن كەسۋ ماقساتىندا رەسپۋبليكا كولەمىندە «قۇقىقتىق ءتارتىپ»، «ميگرانت»، «زاڭسىز كوشى- قون» جانە «ۋچاسكە» جەدەل الدىن الۋ شارالارى وتكىزىلدى. اتقارىلعان جۇمىستاردىڭ ناتيجەسىندە جىل باسىنان بەرى 75 185 زاڭ بۇزۋشى اكىمشىلىك جاۋاپكەرشىلىككە تارتىلدى. 7923 شەتەل ازاماتى ەلدەن شىعارىلدى»، - دەپ اتاپ وتىلگەن ۆەدومستۆو مالىمەتىندە.
اتاپ ايتقاندا، كوشى- قون زاڭناماسىن بۇزعانى ءۇشىن 787 قىلمىستىق قۇقىق بۇزۋشىلىق تىركەلگەن، ونىڭ ىشىندە 60 سى زاڭسىز كوشى- قوندى ۇيىمداستىرعانى ءۇشىن جاۋاپقا تارتىلعان.
بۇدان بۇرىن حابارلانعانداي، بيىلعى قىركۇيەكتىڭ سوڭىندا ق ر دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى ءبىرجان نۇرىمبەتوۆ قازاقستاندىقتار كوبىنەسە قاي ەلدىڭ ازاماتتارىن جۇمىسقا تارتاتىنىن ايتىپ بەرگەن ەدى.
«2013 -جىلى بىزدە ءتيىستى زاڭناما قابىلدانىپ، وعان سايكەس كورشىلەس ەلدەردەن قازاقستانعا جۇمىسقا كەلەتىن ازاماتتار 2 اەك كولەمىندە پاتەنت تولەۋى ءتيىس، ياعني ونىڭ سوماسى 4200 تەڭگە. تەك سودان كەيىن عانا ولار رەسمي تۇردە جۇمىسقا جۇمىلدىرىلادى. اتاپ ايتقاندا، ولاردى زاڭدى تۇلعالار ەمەس، جەكە ادامدار تارتادى»، - دەدى ب. نۇرىمبەتوۆ ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
ونىڭ سوزىنە قاراعاندا، 2014 -جىلى جەكە ادامدار جۇمىسقا 75 مىڭ ادامدى تارتسا، بىلتىر بۇل كورسەتكىش 145 مىڭ ادامعا جەتتى.
«ق ر ءى ءى م مالىمەتىنە سۇيەنسەك، جۇمىسقا كەلگەن شەتەلدىكتەردىڭ ىشىندە 93 پايىزى وزبەكستان ازاماتتارى. ياعني بۇل ادامدار ەڭبەك ميگرانتتارى رەتىندە قازاقستاندا رەسمي تۇردە جۇمىس ىستەۋدە»، - دەپ ءتۇيدى ب. نۇرىمبەتوۆ.
