استانادا 8 - ناۋرىزعا ارنالعان مەرەكەلىك كونسەرتتەر وتەدى

تەاتردىڭ وپەرا سوليستەرى، حورى مەن وركەسترى الەمدىك وپەرا كلاسسيكاسىنان ەڭ جارقىن دا قۇشتارلىققا تولى ليريكالىق ءارى جۇرەكتەن ءتۇرلى وي سالار اريالاردى، سونىمەن قاتار قازاق، ورىس، نەاپوليتاندىق اندەر مەن رومانستاردى ورىندايدى. كونسەرتكە بالەت ارتىستەرى دە قاتىسادى،

 دەپ حابارلادى قالا اكىمىنىڭ باسپا ءسوز قىزمەتى.

سۇيكىمدى جاندارعا ماحاببات سەزىمى: ج. بيزەنىڭ «كارمەن» وپەراسىنان ەسكاميلو شۋماقتارى، س. گاستولدونيدىڭ «تىيىم سالىنعان اۋەنى»، ج. ماسسنەنىڭ «سيەۆيلياناسى»، م. تولەبايەۆتىڭ «ءبىرجان - سارا» وپەراسىنان ءبىرجان مەن سارانىڭ جانە ل. دەليبتىڭ «لاكمە» وپەراسىنان لاكمە مەن ماليكانىڭ دۋەتتەرى، سونىمەن قاتار ف. لەگاردىڭ «كۇلكى الەمى» وپەرەتتاسىنان سۋ- چونگتىڭ ارياسى، س. سميرنوۆتىڭ «بەسىك جىرى»، ەستايدىڭ «قۇسني قورلان»، م. ەرجانوۆتىڭ «قۋانامىن» اندەرى ارقىلى بىلدىرىلەدى.

ۆ. ا. موسارتتىڭ «سيقىرلى فلەيتا» وپەراسىنان پاپاگەنو مەن پاپاگەنانىڭ ءازىلقوي دۋەتى، دج. ۆەرديدىڭ «ريگولەتتو» وپەراسىنان گەرتسوگتىڭ ايگىلى ءانى، كوكتەم اندەرىنە جانە نەاپوليتاندىق - «تارانتەللا»، «ماريتاننا»، «سكاجيتە ديەۆۋشكي»، «گوردايا پرەلەست وسانكي» اندەرىنە جاسالىنعان پوپۋرريلەر كورەرمەندەردىڭ كوڭىل- كۇيىن ابدەن كوتەرەدى.

كەش باعدارلاماسىن بالەت ارتىستەرى دە ءوز شەبەرلىگىمەن اسەرلەندىرە تۇسەدى. ولاردىڭ ورىنداۋىنداعى «بايادەركا» بالەتىنەن ءۇندى ءبيى، دج. ۆيليامستىڭ «جوعالعان جۇماعى» سياقتى نومىرلەر كورەرمەندەردى شاتتىققا بولەيدى.

6 - ناۋرىزدا «استانا وپەرا» تەاترىندا ا. جۇبانوۆ پەن ل. حاميديدىڭ «اباي» وپەراسى، «جاستار» سارايىندا ماسكەۋ وپەرەتتا تەاترىنىڭ ورىنداۋىنداعى «برىزگي شامپانسكوگو» ميۋزيكلى كوپشىلىك نازارىنا ۇسىنىلادى، ال م. گوركي اتىنداعى مەملەكەتتىك اكادەميالىق ورىس دراما تەاترى «قار پاتشايىمى» ەرتەگىسىن كورسەتەدى.

7 - ناۋرىزدا مەرەكەلىك ءىس- شارالار اياسىندا «جاستار» سارايىندا JasArt بالالار ەسترادا تەاترىنىڭ تانىستىرىلىمى وتەدى.

 حالىقارالىق ايەلدەر كۇنى كونگرەسس- حوللدا «كوكتەم شاقىرادى» اتتى كونسەرت وتەدى. بۇل كۇنى قۋىرشاق تەاترىندا «سۋ پەرىسى» ەرتەگىسىن تاماشالاۋعا بولادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى