قازاقستاندا 8 ساعاتتان كەم جۇمىس بەرىلەتىن ماماندىق جوق - الەۋمەتتىك دامۋ مينيسترلىگى

مينيسترلىكتىڭ باسپا ءسوز قىزمەتىنىڭ دەرەكتەرىنە قاراعاندا، قازاقستاندا سەگىز ساعاتتان كەم جۇمىس ىستەۋگە رۇقسات بەرىلەتىن ماماندىق ءتۇرى جوق.

ال، جۇمىسشىلارعا ارنالعان كودەكستىڭ 69 بابىنا سايكەس، 18 جاسقا تولماعان تۇلعالار، ياعني، 14-16 جاستاعى بالالار اپتاسىنا 24 ساعاتتان ارتىق، ال 16-18 جاس ارالىعىنداعى جاسوسپىرىمدەر اپتاسىنا 36 ساعاتتان ارتىق جۇمىس ىستەمەۋى كەرەك. ياعني، ولار ءۇشىن جۇمىس كۇنى قىسقارتىلۋى ءتيىس.

ال، دەنساۋلىققا زيان تيگىزەتىن ورىندارداعى جۇمىسشىلارعا ءىشىنارا اپتاسىنا 36 ساعات جۇمىس ىستەۋ قۇقىعى بەرىلەدى. سونىمەن قاتار، مۇمكىندىگى شەكتەۋلى ادامدار ءۇشىن دە ءبىر اپتاداعى جۇمىس ساعاتى كەمىندە 36 ساعات رەتىندە بەلگىلەنۋى قاجەت. ياعني، ءبىرىنشى جانە ەكىنشى توپتاعى مۇگەدەك جاندار ءۇشىن ءبىر كۇندەگى جۇمىس 7 ساعاتتان اسپاۋى كەرەك. مينيسترلىكتىڭ باسپا ءسوز قىزمەتى ەسكە سالعانداي، ەڭبەك كودەكسىنە سايكەس، ءبىر اپتادا بەس كۇنگى نەمەسە التى كۇنگى جۇمىستى بەلگىلەۋ جۇمىس بەرۋشىنىڭ قاراۋىنا جاتادى.

اۆتور: كەنجەكەي توقتامۇرات قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى