جاھاندىق دودانىڭ شەشۋشى سىنىندا 8 ەلدىڭ بىلعارى قولعاپ شەبەرلەرى شارشى الاڭعا شىعادى

جاھاندىق دودانىڭ شەشۋشى سىنىندا جەڭىمپاز اتانۋ ءۇشىن 8 ەلدىڭ عانا بىلعارى قولعاپ شەبەرلەرى شارشى الاڭعا شىعادى.

10 كۇنگە سوزىلعان تارتىستى باسەكەدە فينالعا جەتكەندەردىڭ ىشىندە كۋبا قابىلاندارى باسىمدىققا يە بولىپ وتىر. بوستاندىق ارالىنىڭ 6 بىردەي بوكسشىسى الەم چەمپيوناتىنىڭ فينالىندا ونەر كورسەتەدى.

رەسەيدىڭ جانە وزبەكستاننىڭ ءۇش بوكسشىسى شەشۋشى سىنعا جولداما العان بولاتىن. ال ەكى سپورتشىسى قالعان مەملەكەتتەر - قازاقستان، ءازىربايجان جانە يرلانديا. سونداي-اق ماروككو مەن فرانسيا ەلدەرىنىڭ ءبىر-ءبىر بوكسشىسى قازاقستاندىق قوس ساڭلاققا قارسىلاس اتانىپ وتىر.

وسى ورايدا، «قازاقستان» ۇلتتىق ارناسى جانە «قازسپورت» تەلەارناسى الەم بىرىنشىلىگىنىڭ بۇگىن جانە ەرتەڭ وتەتىن فينالدىق كەزدەسۋلەرىن وتاندىق جانكۇيەرلەردىڭ نازارىنا ۇسىنباقشى. «قازسپورت» تەلەارناسىندا استانا ۋاقىتىمەن ساعات 22:00 دە تىكەلەي ەفيردە كورسەتىلەدى دەپ كۇتىلۋدە.

قازاقستان جانكۇيەرلەرى 69 كەلى سالماقتا ونەر كورسەتەتىن دانيار ەلەۋسىنوۆ پەن 91 كەلىدەن جوعارى سالماقتاعى يۆان دىچكوعا ۇلكەن سەنىم ارتىپ وتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى