وسكەمەندە ءوز ءۇيىن 8 رەت «جارىپ جىبەرمەك» بولعان جاس ايەل سوتتالدى
توتەنشە وقيعا 2013 - جىلدىڭ قازان ايىندا بولدى.
24 جاستاعى كەلىنشەك ءىشى پىسقاندىقتان شۇعىل قىزمەتتەرگە سەگىز رەت قوڭىراۋ شالىپ، ءوزى تۇراتىن كوپقاباتتى ۇيگە جارىلعىش زات قويىلعانىن ايتقان. بۇل حابارعا بايلانىستى تۇرعىن ءۇي ون ساعاتقا قورشاۋعا الىندى. تۇرعىندار قاۋىپسىز جەرگە كوشىرىلدى.
جەدەل باسقارۋ ورتالىعى ماماندارى العاشقىدا قوڭىراۋ بەلگىسىز ەر ادامنان كەلدى دەپ تىركەۋگە العان. كەيىن كەلىنشەكتىڭ ەر ادامنىڭ داۋسىن سالىپ حابارلاسقانى انىقتالدى.
ايتا كەتەيىك، تەلەفون لاڭكەستىگى ءۇشىن ازاماتتارعا مىناداي جازالار قاراستىرىلادى: 200 دەن 500 ەسەپتىك كورسەتكىشكە دەيىن ايىپپۇل سالۋ، ءبىر جىلدان ەكى جىلعا دەيىن تۇزەۋ جۇمىستارىنا سالۋ، بوستاندىعىن ەكى جىلعا دەيىن شەكتەۋ نەمەسە باس بوستاندىعىن ەكى جىلعا دەيىن ايىرۋ.
جارىلعىش زات تۋرالى سەگىز رەت حابار بەرگەن ايەل ق ر قىلمىستىق كودەكسىنىڭ «تەرروريزم اكتىسى تۋرالى كوپە-كورىنەۋ جالعان حابار بەرۋ» بابى بويىنشا ايىپتى دەپ تانىلىپ، وعان جالپى رەجيمدەگى كولونيادا ەكى جىلعا باس بوستاندىعىنان ايىرۋ جازاسى بەرىلدى. «كەلىنشەكتىڭ ءبىر جاسقا تولماعان ءسابيى بولعاندىقتان سوت ونىڭ جازا وتەۋ مەرزىمىن بەس جىلعا شەگەردى»، - دەپ حابارلادى سوت وكىلدەرى.
