پوليتسەيلەر 8 جاسار «لاڭكەستى» تەرگەۋگە الدى
جەرگىلىكتى باسىلىمداردا حابارلانعانىنداي، 2-سىنىپ وقۋشىسى لاڭكەستەردىڭ جاساپ وتىرعان ارەكەتتەرىن تولىعىمەن قولدايتىنن ايتىپ، قازا بولعان جۋرناليستەردى ەسكە الۋعا ارنالعان 1 مينۋت ۇنسىزدىككە قاتىسۋدان باس تارتقان.
مەكتەپ باسشىلىعى بۇل جونىندە دەرەۋ پوليتسيا قىزمەتكەرلەرىنە حابارلاعان.
«ءبىز مەكتەپ وقۋشىسى مەن ونىڭ اكەسىن مەكتەپكە شاقىرىپ، بالانىڭ ويىنا مۇنداي راديكالدى پىكىرلەردىڭ قايدان كەلگەنىن انىقتاۋعا تىرىستىق. تەرروريزمنىڭ نە ەكەنىن سۇراعانىمىزدا بۇلدىرشىننەن ماردىمدى جاۋاپ الا المادىق، ول مۇنىڭ ءتىپتى نە ەكەنىن دە بىلمەيدى. بەلگىلى بولعانىنداي، بالا ءوزىنىڭ نە ايتىپ، نە قويعانىن تۇسىنبەيدى. دەگەنمەن، بۇل جونىندە ونىڭ ساناسىنا بىرەۋلەردىڭ نە ءبىر جايدىڭ اسەر ەتكەنى انىق»، - دەيدى قالالىق پوليتسيا وكىلدەرى.
