قازاقستان قىتايمەن ەۋروپالىق وداق اراسىنداعى ترانزيتتىك جۇك كولەمىن 8 پايىزعا دەيىن ۇلعايتا الادى

«ءتۇرلى ساراپشىلار مەن ەكونوميستەردىڭ پىكىرىنشە، 2020-جىلعا قاراي قىتاي مەن ەۋروپالىق وداق اراسىنداعى سىرتقى ساۋدا كولەمى قازىرگى 500 ميلليارد دوللاردان 800 ميلليارد دوللارعا دەيىن ۇلعايا الادى. بۇعان قوسا، قىتاي مەن ەۋروپا اراسىنداعى جۇك تاسىمالىنىڭ ۇلەسى دە 170 ميلليون تونناعا دەيىن ارتادى. وسى رەتتە جاڭا كولىكتىك جوبالار قازاقستانعا ترانزيتتىك جۇك تاسىمالى كولەمىن ارتتىرۋعا مۇمكىندىك بەرەدى. ساراپشىلاردىڭ پايىمىنشا، قىتاي مەن ە و اراسىنداعى جالپى تاۋار اينالىمىنداعى ەلىمىزدىڭ ترانزيتتىك الەۋەتى 8 پايىزدى قۇرايدى»، - دەدى ول بۇگىن «قازاقستان-2050: شىعىس پەن باتىس اراسىنداعى جاڭا قۇرلىقتىق كوپىر» اتتى دوڭگەلەك ۇستەل بارىسىندا.

سونىمەن قاتار ە. قارين قازاقستاننىڭ ازيا مەن ەۋروپا اراسىنداعى كولىكتىڭ ءدالىزدى كەڭەيتۋدى عانا ماقسات تۇتىپ وتىرماعانىن، شىعىسپەن باتىستى، سولتۇستىكتى وڭتۇستىكپەن تۇيىستىرەتىن ماگيسترال سالۋدى دا جوسپارلاپ وتىرعانىن باسا ايتتى.

«نۇرسۇلتان نازاربايەۆ ستراتەگياسىنىڭ باستى ماقساتى - قازاقستان مەن بۇكىل ورتالىق ازيا ءوڭىرىن ءىرى ەۋرازيالىق كولىكتىك-لوگيستيكالىق حابقا اينالدىرۋ»، - دەدى ينستيتۋت ديرەكتورى.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى