وزبەكستاننىڭ 88 پايىز حالقى پرەزيدەنتتىك سايلاۋدا تاڭداۋ جاسادى

وزبەكستاندا ەل پرەزيدەنتى لاۋازىمىنا سايلاۋ اياقتالدى.

داۋىس بەرۋ جەكسەنبى، 4 -جەلتوقسان كۇنى ساعات 06.00 دە باستالىپ، 20.00 دە اياقتالدى. ءتۇس اۋا ورتالىق سايلاۋ كوميسسياسى سايلاۋدى ءوتتى دەپ تانىدى، سەبەبى كەلۋشىلەردىڭ سانى قاجەتتى 33 پايىزدان اسىپ جىعىلدى.

و س ك- نىڭ مالىمەتىنشە، سايلاۋدا 17 ميلليون 941 مىڭ 955 ادام داۋىس بەردى، بۇل ەلەكتوراتتىڭ 87,83 پايىزى. بۇل تۋرالى 4 -جەلتوقسان كۇنى قورىتىندى بريفينگتە و س ك ءتوراعاسى ميرزا-ۋلۋگبەك ابدۋسالوموۆ ايتتى.

داۋىس بەرۋ ەل ىشىندەگى - 9383 جانە شەت ەلدەردەگى 44 سايلاۋ ۋچاسكەسىندە ءوتتى. و س ك ءتوراعاسى داۋىس بەرۋدىڭ ناتيجەسى بويىنشا بولاشاق پرەزيدەنت تۋرالى الدىن الا مالىمەتتەردى اتاماي، العاشقى ناتيجەلەر 5 -جەلتوقسان كۇنى تۇستەن كەيىن ايتىلاتىنىن جەتكىزدى. بۇعان دەيىن حابارلانعانداي، سايلاۋعا ءتورت ۇمىتكەر قاتىسۋدا - پرەزيدەنت مىندەتىن اتقارۋشى شاۆكات ميرزيەيەۆ وزبەكستاننىڭ ليبەرالدىق- دەموكراتيالىق پارتياسى اتىنان تۇسۋدە، حاتامجون كەتمونوۆ حالىق - دەموكراتيالىق پارتياسىنان، ناريمان وماروۆ سوتسيال- دەموكراتتاردان جانە پارلامەنتتىڭ تومەنگى پالاتاسىنىڭ ۆيتسە-سپيكەرى سارۆار وتامۋراتوۆ دەموكراتيالىق پارتيادان سايلاۋعا قاتىسۋدا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى