قازاقستاندىقتاردىڭ دەپوزيتتەگى اقشاسىنىڭ 88 پايىزى دوللارمەن ساقتالعان
تەلەارنانىڭ مالىمەتىنشە، قازاقستاندىقتار قارجىسىن دوللارمەن ساقتاۋدى ءجون كورەدى ەكەن. «بۇگىندە جۇرتتىڭ دەپوزيتتەگى اقشاسىنىڭ 77 پايىزى دوللاردا ەكەن. ءتىپتى كەيبىر بانكتەردە بۇل كورسەتكىش 88 پايىزعا جەتكەن. ءبىراق، ۇلتتىق ۆاليۋتامەن ساقتالعان قارجىنىڭ كولەمى دە توقىراپ قالدى دەۋگە كەلمەيدى. دەگەنمەن، ءتول تەڭگەگە دەگەن كوپشىلىكتىڭ كوڭىلى ءالى دە كۇپتى»، - دەيدى تەلەارنا تىلشىلەرى.
ەسكە سالايىق، ەلىمىزدىڭ باس بانكيرى دانيار اقىشەۆ دەپوزيتكە سالىنعان تەڭگەنىڭ پايىزى ءوسىپ، دوللاردىڭ پايىزى تومەندەۋى مۇمكىن دەگەن ەدى. «ءبىراق ساراپشىلاردىڭ دەنى حالىقتىڭ ۇلتتىق بانككە دەگەن سەنىمى ارتسا، تەڭگەمەن قارجى جيناۋ كوبەيەر ەدى دەيدى. الايدا، تەڭگە باعامىنىڭ تومەندەۋى توقتاماي تۇر. 2015 -جىلدىڭ قاراشاسىندا قازاق اقشاسى 10 پايىزعا، جەلتوقساندا 10,6 پايىزعا قۇنسىزدانىپتى»، - دەدى ەكونوميست ۋاليحان تولەشوۆ.
سونىمەن قاتار، تەلەارنا تىلشىلەرى 2020 -جىلى وسىدان 10 جىل بۇرىن باسىلعان 2 مىڭ، 5 مىڭ جانە 10 مىڭ تەڭگەلىك كۋپيۋرالار جارامسىز بولاتىنىن ەسكەرتىپ وتىر. تۇرعىندار اتالعان اقشانى 2017 -جىلدىڭ قازانىنا دەيىن ەكىنشى دەڭگەيلى بانكتەرگە وتكىزىپ ۇلگەرۋلەرى كەرەك. وسى جانە وزگە دە ەكونوميكا جاڭالىقتارى كەلەسى توپتامادا.
1 -اقپاننان باستاپ شەتەل ۆاليۋتاسىن ساتۋ مەن ساتىپ الۋ ءبىرشاما وزگەرىسكە ۇشىراۋى بەك مۇمكىن. بۇدان بىلاي كوممەرتسيالىق بانكتەر مەن اقشا ايىرباستاۋ ورىندارىندا شەتەل ۆاليۋتاسىن ساتۋ مەن ساتىپ الۋ ايىرماشىلىعى 6-7 تەڭگە بولاتىن جاڭا باعام ورناتپاق.
ياعني، دوللاردى تەڭگەگە ايىرباستاۋ ايىرماشىلىعى 6 تەڭگە بولسا، ەۋرو 7 تەڭگەگە جەتۋى ىقتيمال. بۇعان دەيىن ايىرماشىلىق 2-3 تەڭگە بولاتىن. بۇقارا جىلجىمايتىن مۇلىك ساۋدالاعانعا جاقسى دەپ بورىكتەرىن اسپانعا اتسا، كەي ساراپشىلار بۇدان كەلەتىن ءقاۋىپ ۇلكەن ەكەنىن ايتۋدا. "ەركىن كوريدور دەدى، ەركىن ءجۇزۋ دەدى. قازىر ەندى 360 قا شىعىپ كەتتى. اقىلعا سىيمايتىن زات. قاراپايىم حالىق زارداپ شەگەدى. بارلىق تاۋار قىمباتتادى، ازىق- تۇلىك»، - قارجىگەر حايروللا عابجالەلوۆ.
ايتىلعان اقشا ايىرماشىلىعىن ءبىرقاتار ەكونوميستەر جاقسى جاڭالىققا بالايدى. بىرىنشىدەن، اقشا ايىرباستاۋ پۋنكتتەرى اراسىنداعى باسەكەلەستىك ارتپاق. ەكىنشىدەن، ا ق ش اقشاسىن ساتۋ مەن ساتىپ الۋ اراسىنداعى الشاقتىق ارتسا، باعامداردىڭ ۇزاق ساقتالۋىنا سەپتىگىن تيگىزەر ەدى دەيدى ماماندار. قازاقستان قور بيرجاسىنىڭ كۇندىزگى ساۋدا سەسسياسىندا دوللار تاعى دا كوتەرىلدى. تاڭنان بەرى 2 تەڭگە 27 تيىنعا كوتەرىلگەن دوللار قور بيرجاسىنىڭ وزىندە 345 تەڭگە 49 تيىننان ساۋدالانۋ ۇستىندە. ال ايىرباستاۋ پۋنكتتەرىندە دوللاردىڭ قۇنى 346-347 تەڭگە ارالىعىندا ساتىلىپ جاتىر. ءبىر تاۋلىكتە ساتىلعان ۆاليۋتا كولەمى 97 ميلليون 700 مىڭ دوللار. بۇل كەشەگى ساۋدامەن سالىستىرعاندا 36 ميلليون 600 مىڭ دوللارعا كەم.
