قىرعىزستاندا شىڭعىس ايتماتوۆتىڭ 87 جىلدىعى اتاپ وتىلۋدە

بۇل كۇن جىل سايىن قىرعىزستاندا ادەبيەت كۇنى رەتىندە اتاپ وتىلەدى.

بىشكەكتەگى ۇلتتىق عىلىم اكادەمياسىندا «ايتماتوۆ وقۋلارى-2015» عىلىمي-پراكتيكالىق كونفەرەنسياسى اياسىندا اكادەميا باسشىسى ابدىگانى ەركەبايەۆ 2018-جىلدى ايتماتوۆ جىلى دەپ جاريالاۋدى ۇسىندى. شاراعا قازاقستان، ازەربايجان، وزبەكستان، قىتاي، رەسەي، تۇركيا، وڭتۇستىك كورەيا، جاپونيا عالىمدارى قاتىستى.

تۇركيادا جۋىردا وتكەن حالىقارالىق سيمپوزيۋمدا اتالمىش ەلدە ش. ايتماتوۆتىڭ «اق كەمە» تۋىندىسى بويىنشا 2016-جىلى كۇزدە فيلم تۇسىرىلەتىنى ايتىلعان ەدى.

شىڭعىس ايتماتوۆتىڭ تۋىندىلارى قازاقستاندىقتارعا دا جاقسى تانىس.

«ماعان قازاقستان جاقىن، سوندىقتان دا مەنىڭ قازاقستاننىڭ حالىق جازۋشىسى دەگەن اتاعىم بار. مەنىڭ كەڭىستىگىم بۇل - قازاقستان مەن قىرعىزستان» دەگەن ەدى جازۋشىنىڭ ءوزى.

جازۋشىنىڭ «عاسىردان دا ۇزاق كۇن» رومانىندا قازاقستانداعى جۋالى دالاسىندا (جامبىل وبلىسى) وربىگەن وقيعالار جەلىسى باياندالادى.

شىڭعىس ايتماتوۆ 2008-جىلى 79 جاسقا قاراعان شاعىندا ەم الىپ جاتقان نيۋرنبەرگ قالاسىندا قايتىس بولدى. بىشكەكتەگى «اتا-بەيت» تاريحي-مەموريالدىق كەشەنىنە جەرلەنگەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى