قازاقستاندىقتاردىڭ زەينەتاقى جيناقتارى 879 ميلليارد تەڭگەگە ۇلعايدى
بۇل تۋرالى ءبىرىڭعاي جيناقتاۋشى زەينەتاقى قورى (ب ج ز ق) ءمالىم ەتتى، دەپ حابارلايدى قازاقپارات ءتىلشىسى.
ۇقساس جاڭالىقتار زەينەتاقى قورى جيناق شوتىنداعى قاراجاتتىڭ ازايىپ كەتكەنىن ءتۇسىندىردى ەڭبەك مينيسترلىگى زەينەتاقى مولشەرى قالاي يندەكساتسيالاناتىندىعىن ءتۇسىندىردى قازاقستاندىقتاردىڭ زەينەتاقى جيناقتارى 11 تريلليون تەڭگەدەن استى «ب ج ز ق» ا ق- نىڭ زەينەتاقى اكتيۆتەرى 2020 -جىلدىڭ ءبىرىنشى توقسانىندا 879 ميلليارد تەڭگەگە ۇلعايدى.
وسىلايشا ازاماتتارىمىزدىڭ زەينەتاقى جيناقتارى 11,7 تريلليون تەڭگەدەن اسىپ، 2020 -جىلدىڭ باسىنان بەرگى ءوسىم %8 قۇرادى.
زەينەتاقى جيناقتارىنىڭ نەگىزگى سوماسى مىندەتتى زەينەتاقى جارنالارى (م ز ج) ەسەبىنەن قالىپتاستى جانە سوڭعى 12 ايدا %21 عا ۇلعايىپ، 11,4 تريلليون تەڭگە بولدى. ايتا كەتەيىك، «ب ج ز ق» ا ق جارنالارىنىڭ بارلىق تۇرلەرى بويىنشا جەكە زەينەتاقى شوتتارىنىڭ جالپى سانى 10 ميلليوننان استى. 2020 -جىلدىڭ ءبىرىنشى توقسانىندا سالىمشىلاردىڭ شوتتارىنا جالپى كولەمى 261,9 ميلليارد تەڭگە زەينەتاقى جارنالارى ءتۇستى، بۇل 2019 -جىلدىڭ العاشقى 3-ايىنداعى كورسەتكىشتەن 19% ارتىق.
تولەمدەر 45 ميلليارد تەڭگەنى قۇرادى، ولاردىڭ باسىم بولىگى جاسى بويىنشا (16,7 ميلليارد تەڭگە)، ق ر شەگىنەن تىس ت ت ج كەتۋ بويىنشا (11,6 ميلليارد تەڭگە). 2020 -جىلدىڭ باسىنان باستاپ 1-ساۋىرگە دەيىنگى جاعداي بويىنشا ب ج ز ق سالىمشىلارىنىڭ شوتتارىنا 661,7 ميلليارد تەڭگەدەن استام ينۆەستيتسيالىق كىرىس ەسەپتەلدى. بۇل وتكەن جىلدىڭ وسى كەزەڭىمەن سالىستىرعاندا 564,8 ميلليارد تەڭگەگە ارتىق.
«ال 2019 -جىلدىڭ ءبىرىنشى توقسانىنداعى تازا ينۆەستيتسيالىق تابىس 96,9 ميلليارد تەڭگە بولعان ەدى. بۇل رەتتە ينۆەستيتسيالىق قىزمەت ناتيجەسىندە شەتەل ۆاليۋتالارى باعامدارىنىڭ قۇبىلمالىلىعى جانە قارجى قۇرالدارىنىڭ نارىقتىق قۇنىنىڭ وزگەرۋى سالدارىنان ەسەپتەلگەن ينۆەستيتسيالىق كىرىستىڭ مولشەرى ءارقاشان وزگەرىپ تۇرۋى مۇمكىن ەكەندىگىن جانە ونى ۇزاق مەرزىمدى پەرسپەكتيۆادا قاراۋ قاجەت ەكەنىن ەستە ساقتاۋ ماڭىزدى.
2019 جانە 2020 -جىلدارداعى كورسەتكىشتەردى سالىستىرىپ قاراعاندا كورىپ وتىرعانىمىزداي، ينۆەستيتسيالىق كىرىس - بۇل قارجى قۇرالدارىنىڭ قۇنىنا جانە تۇتاستاي قارجى نارىعىنداعى جاعدايعا تاۋەلدى، تىركەلمەگەن شاما. سوندىقتان جەكەلەگەن قارجى قۇرالدارى ەسەبىنەن ينۆەستيتسيالىق كىرىس شاماسىنىڭ ۋاقىتشا تومەندەۋ ىقتيمالدىلىعى بولاشاقتا زەينەتاقى اكتيۆتەرىنىڭ بارلىق ينۆەستيتسيالىق پورتفەلىن ۇزاق مەرزىمدە ءارتاراپتاندىرۋ ەسەبىنەن وتەلەتىن بولادى»، - دەپ اتاپ ءوتتى ب ج ز ق.
اۆتور: الما مۇقانوۆا
