جىل باسىنان بەرى كولىك پوليتسەيلەرى 860 كەلى ەسىرتكى زاتتارىن تاركىلەدى
بۇل تۋرالى اتالعان ۆەدومستۆونىڭ باسپا ءسوز قىزمەتى حابارلايدى.
سونداي شارالاردىڭ ناتيجەسىندە جىل باسىنان بەرى 81 ەسىرتكى قىلمىسى انىقتالدى، ونىڭ 40 فاكتىسى وتكىزۋگە جانە 4 ەۋى ەسىرتكى زاتتارىن زاڭسىز تاسىمالداۋعا قاتىستى.
زاڭسىز اينالىمنان 869 كەلى ءارتۇرلى ەسىرتكى زاتتارى تاركىلەندى.
ەسىرتكى بيزنەسىنە قارسى كۇرەس باسقارماسىنىڭ باستىعى پوليتسيا پولكوۆنيگى ەرلان اقپاروۆتىڭ ايتۋىنشا، ق ر قىلمىستىق كودەكسىنىڭ 296-بابىنا قاتىستى 142، ق ر ق ك- ءنىڭ 296-بابى، 1-ءبولىمى بويىنشا (قوعامدىق ورىنداردا ەسىرتكى، پسيحوتروپتىق زاتتاردى، سول تەكتەستەردى، پرەكۋرسورلاردى مەديتسينالىق ەمەس تۇتىنۋ) - 11، 296-بابى، 2-ءبولىمى بويىنشا (ەسىرتكى, پسيحوتروپتىق زاتتاردى، سول تەكتەستەردى، پرەكۋرسورلاردى وتكىزۋ ماقساتىنسىز زاڭسىز دايىنداۋ، قايتا وڭدەۋ، يەمدەنۋ، ساقتاۋ، تاسىمالداۋ) - 107، 296-بابى، 3-ءبولىمى بويىنشا (ءىرى مولشەردەگى ەسىرتكى، پسيحوتروپتىق زاتتاردى، سول تەكتەستەردى وتكىزۋ ماقساتىنسىز زاڭسىز دايىنداۋ، قايتا وڭدەۋ، يەمدەنۋ، ساقتاۋ، تاسىمالداۋ) -22 اكىمشىلىك حاتتاما تولتىرىلدى.
«كوكنار-2015» وپەراتسياسىن وتكىزۋ كەزىندە 20 ەسىرتكى قۇقىق بۇزۋشىلىعى مەن 3 ەسىرتكى قىلمىسى انىقتالىپ، زاڭسىز اينالىمنان 714 كەلىدەن اسا ەسىرتكى زاتتارى تاركىلەندى.
سونداي-اق، ە. اقپاروۆ جاقىندا ەسىرتكى وتكىزۋشىلەر مەن ۇيىمداسقان قىلمىستىق توپتىڭ ارەكەتىن انىقتاپ، ەسىرتكى ساۋداسى ارناسىنىڭ جولىن كەسۋگە باعىتتالعان «دوپينگ»، «رۋبەج»، «كانال» جانە تاعى باسقا وپەراتسيالاردىڭ وتكىزىلەتىنىن ايتتى.
بۇگىنگى تاڭدا كولىكتەگى ىشكى ىستەر دەپارتامەنتىنىڭ قىزمەت كورسەتۋ اۋماعىندا 28 توپ قۇرىلعان. اتالعان توپتاردىڭ باستى ماقساتى مەن مىندەتى تەمىر جول ۆوكزالى اۋماعىندا، ساقتاۋ قويمالارىندا، جۇك بولىمدەرى مەن «كازپوچتا» بولىمدەرىندە، حالىقارالىق جانە جەرگىلىكتى ماڭىزى بار جولاۋشىلار پوەزدارىندا جۇمىس جاساپ، قىزمەتتىك ىزدەستىرۋ يتتەرىنىڭ كومەگىمەن ەسىرتكى زاتتارىن انىقتاۋ بولىپ تابىلادى.
دەپارتامەنتتىڭ نەگىزگى كۇشى ەسىرتكى زاتىن زاڭسىز تاسىمالداۋ مەن ەسىرتكى ساۋداسى ارنالاردىڭ جولىن كەسۋگە، سونداي-اق، ەسىرتكىگە قارسى ۇگىت ناسيحات جۇمىستارىنا باعىتتالعان.
