ۇلتتىق قۇندىلىقتى 85 جاستاعى شەبەر ناسيحاتتاپ ءجۇر
قولونەرشى شارحات تولەمىسوۆا كيىز ءۇيدى كوزدىڭ قاراشىعىنداي ساقتاپ، قاستەرلەپ كەلەدى. ماڭىزدى مەرەكەلەر مەن توي- دۋمانداردا كوز تارتار قازاقتىڭ قاسيەتتى كيىز ءۇيىن تىگىپ، بولاشاق ۇرپاققا ناسيحاتتاۋدان جالىققان ەمەس.
شارحات تولەمىس قىزى - ون بالانى ومىرگە اكەلگەن التىن قۇرساقتى انا. ۇلتتىق قولونەردى دامىتۋ، ونى كەلەشەك ۇرپاققا تابىستاۋ - باستى پارىزىم دەپ بىلەدى. وسىنشا جاسقا كەلسە دە كيىم توقۋ، ءجۇن ساباۋ، ۇرشىق ءيىرۋ، بۇيىمدى ويۋ- ورنەكپەن بەزەندىرۋ ول كىسىنىڭ سۇيىكتى ءىسى.
«ەلدىڭ تۇكپىر- تۇكىپىرىنەن كەلگەن تانىمال تۇلعالار مەنىڭ ءوز قولىمنان اسەمدەپ جاساعان، قازاقي قالپىن ساقتاعان كيىز ۇيىمە تالاي تامسانعان»، - دەيدى شەبەر.
كيىز ءۇيىن جىل سايىن جاڭارتىپ تىگىپ، جابدىقتاپ وتىرادى. ىسمەر جاننىڭ ءارتۇرلى تاسىلمەن جاساعان بۇيىمدارى ەرەكشە.
اۆتور
ينديرا ساتەنباي
