تەمىربەك جۇرگەنوۆ اتىنداعى قازاق ۇلتتىق ونەر اكادەمياسىنا - 85 جىل

«بۇگىن ەلىمىزدە كاسىبي ونەر ماماندارىن دايىندايتىن تەمىربەك جۇرگەنوۆ اتىنداعى قازاق ۇلتتىق ونەر اكادەمياسىنىڭ 85 جىلدىعى اتالىپ وتۋدە. رەسمي جينالىستىڭ ورنىنا وسى اكادەميانىڭ تۇلەكتەرى مەن ستۋدەنتتەرىنىڭ، ۇستازدارىنىڭ جاساعان كونسەرتىنىڭ بولعانى اسا ماڭىزدى. 1933 -جىلى قۇرىلعان ەڭ تۇڭعىش مۋزىكا جانە تەاتر ۋچيليشەسىندە تالانتتى ۇل- قىزدار ءتالىم الىپ شىقتى. الەمدە ۇلتتىق اكادەميامىز جەتەكشى كلاسسيكالىق ج و و قاتارىنان ورىن العان. كىلەڭ دارابوز ونەرپازداردان ءتالىم العان شاكىرتتەر بۇگىندە بۇكىل قازاق حالقىنىڭ مارتەبەسىن اسقاقتاتىپ وتىر. ق ر پرەزيدەنتى ن. نازاربايەۆتىڭ قازاقستان حالقىنا جولداۋىن باسشىلىققا الا وتىرىپ، وقۋ ورنىنىڭ ۇجىمى XXI عاسىردىڭ تالاپتارىنا جاۋاپ بەرەتىن مامانداردى دايىنداۋعا بار كۇشىن سالىپ كەلەدى. بۇل ۇلتتىق ونەردىڭ وركەندەۋىنە جۇمىس جاسايتىن شىعارماشىلىق ەليتا بولماق»، - دەدى ق ر مادەنيەت جانە سپورت ۆيتسە- ءمينيسترى اقتوتى رايىمقۇلوۆا مينيستر ارىستانبەك مۇحامەدي ۇلىنىڭ قۇتتىقتاۋ ءسوزىن جەتكىزە وتىرىپ.

 كونسەرتتىڭ شىمىلدىعىن «تۇران» توبى، حورەوگرافيا مەن سيرك رەجيسسۋراسى فاكۋلتەتتەرىنىڭ ستۋدەنتتەرى اشتى.

 اتالعان قويىلىم ق ر ەڭبەك سىڭىرگەن قايراتكەرى ا. ا. ورەنبۋرگسكي جەتەكشىلىگىمەن، ەسترادالىق- سيمفونيالىق وركەستردىڭ سۇيەمەلدەۋىمەن جۇرگىزىلدى.

سونىمەن قاتار اكادەميا تۋرالى دەرەكتى فيلم كورسەتىلدى.

 كورەرمەننىڭ قۇلاق قۇرىشىن ق ر ەڭبەك سىڭىرگەن ءارتىسى رامازان ستامعازيەۆ جانە شاكىرتتەرى ج. ومارحان، د. مۇراتحان، ت. ءاناپيا، ج. ساقايەۆ دومبىرامەن ورىندالعان ءداستۇرلى انمەن قاندىردى.

 ءانشى ءمولدىر اۋەلبەكوۆا مەن نۇرلان البان دومبىرا اسپابى مەن زاماناۋي اۋەندى قوسىپ «ايتارىم بار» ءانىن ورىندادى. سونداي- اق، «Voxaccapella» توبى قازاق اندەرىنەن ءان- شاشۋ شاشتى.

ونەرسۇيەر قاۋىم ق ر ەڭبەك سىڭىرگەن قايراتكەرى جەڭىس سەيدوللا ۇلى، گاۋحار قاسپاقوۆا، تولقىن زابيروۆا، «Меzzо» توبى، دينارا سۇلتان، قر حالىق ءارتيسى ناعيما ەسقالييەۆا، باتىرجان تازابەكوۆ، ايجان نۇرماعامبەتوۆا، روزا رىمبايەۆا سىندى ارتىستەردىڭ ونەرىن تاماشالادى.

ءان مەن كۇيدەن بولەك كەش بارىسىندا كلاسسيكالىق گيتاريستەردىڭ «ءومىر جاساسىن» كومپوزيتسياسى ورىندالدى.

ونەر اكادەمياسىنىڭ بيشىلەر توبى ك. دجەنكينستىڭ «ءومىر قۋاتى» كومپوزيتسياسىنا بيلەدى.

ايتا كەتۋ كەرەك، تەمىربەك جۇرگەنوۆ اتىنداعى قازاق ۇلتتىق ونەر اكادەمياسى (بۇرىنعى اتى الماتى تەاتر جانە كينو ينستيتۋتى) - تەاتر جانە كينو ماماندارىن دايارلايتىن مەملەكەتتىك جوعارى وقۋ ورنى.

اۆتور: گۇلميرا عوسمانالي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى