قازاقستان حالقى اسسامبلەياسىنىڭ بەدەلى 85 پايىزعا ارتتى - ە. توعجانوۆ
وتىرىستا ءسوز العان ق ح ا ءتوراعاسىنىڭ ورىنباسارى، حاتشىلىعىنىڭ مەڭگەرۋشىسى ەرالى توعجانوۆ اسسامبلەيانىڭ قوعامداعى ءرولىن اتاپ ءوتتى.
«سوڭعى الەۋمەتتىك دەرەكتەر بويىنشا اسسامبلەيانىڭ بەدەلى 85 پايىزعا ارتتى. بۇل كەرەمەت ناتيجە. قازاقستان مەن حالىقارالىق كەڭىستىكتە بولىپ جاتقان ساياسي ۇردىستەر گەوساياسي ولشەمدە كۇللى الەمگە ن. نازاربايەۆتىڭ ۇلگىسى - كەلىسىم، بىرلىك ۇلگىسى ءساتتى ەنگىزىلگەنىن تاعى ءبىر مارتە راستادى. «100 قادام» جوسپارىنىڭ اياسىندا ق ح ا الدىنا قويىلعان مىندەتتەر كوپ. بۇل ەلىمىزدىڭ بىرتەكتىلىك پەن بىرلىك رەفورمالارى. بۇل جۇمىستاردىڭ بارلىعى ق ح ا- ىنا جۇكتەلدى»، - دەدى ە. توعجانوۆ.
وتىرىس بارىسىندا ۇلت جوسپارىن اقپاراتتىق سۇيەمەلدەۋ كونتەكسىندە جۋرناليستىك قاۋىمداستىق الدىندا تۇرعان جاڭا مىندەتتەر تالقىلاندى.
شارانىڭ سوڭىندا كلۋب مۇشەلەرىن، رەسپۋبليكالىق، ايماقتىق ب ا ق جۋرناليستەرىن «قازاقستان حالقى اسسامبلەياسىنا 20 جىل» مەرەيتويلىق مەدالدارىمەن ماراپاتتاۋ سالتاناتتى ءراسىمى ءوتتى.
