قىتايدا 84 ميلليون بالاعا كوروناۆيرۋسكە قارسى ەكپە سالىندى
سونىڭ ىشىندە 49,5 ميلليونعا جۋىق بالاعا بۋستەرلىك ۆاكتسينا ەگىلدى. بۇل تۋرالى قازاقپارات ق ح ر دەنساۋلىق ساقتاۋ ىستەرى جونىندەگى مەملەكەتتىك كوميتەت وكىلى ۋ ليانيۋ ءمالىم ەتتى، دەپ حابارلايدى قازاقپارات.
«ەپيدەميانىڭ الدىن الۋ جانە قاداعالاۋ شارالارىنا ءتيىس قىسقى مەرزىمدە تۇرعىنداردىڭ باستى توپتارى مەن بالالار، جاسوسپىرىمدەردى بۋستەرلىك ۆاكسينالاۋدى جالعاستىراتىن بولامىز. قازىرگى كەزدە 3-11 جاس ارالىعىنداعى 84 395 000 بالاعا ەكپە سالىنعان، سونىڭ ىشىندە 49440000 بالاعا بۋستەرلىك ۆاكتسينا ەگىلگەن»، - دەپ اتاپ ءوتتى ۋ ليانيۋ.
قح ر ءبىلىم مينيسترلىگىنىڭ وكىلى ۆان دەنفەن 18 جاستان اسقان ستۋدەنتتەردىڭ 95 پايىزىنان كوبى كوروناۆيرۋسكە قارسى ۆاكسينا العانىن قوسىپ ءوتتى.
ق ح ر دەنساۋلىق ساقتاۋ ىستەرى جونىندەگى مەملەكەتتىك كوميسسيا مالىمەتىنشە، 13-قاراشاداعى جاعداي بويىنشا 2020 -جىلدىڭ جەلتوقسانىندا باستالعان تۇرعىنداردى جاپپاي ۆاكسينالاۋ ناۋقانىنىڭ بارىسىندا قىتاي دارىگەرلەرى قاۋىپتى ۆيرۋستان 2,38 ميلليارد استام ەكپە سالدى.
بۇل رەتتە 1,07 ميلليارد ادام ۆاكتسينالاۋدىڭ تولىق كۋرسىنان ءوتتى. قۇرلىقتىق قىتايدا سونداي- اق تۇرعىنداردىڭ باستى توپتارىن بۋستەرلىك ۆاكسينالاۋ باعدارلاماسى بەلسەندى ىسكە اسىرىلۋدا.
