ديماشتىڭ قىتايداعى كونسەرتىنە بيلەتتەر 84 مىڭ تەڭگەگە دەيىن ساتىلۋدا

  قىتايلىق Weibo الەۋمەتتىك جەلىسىندەگى اقپاراتتارعا سەنسەك، ديماش قۇدايبەرگەن الداعى كۇندەرى قىتايدىڭ ءبىرقاتار قالاسىندا ءان كەشىن وتكىزەدى. ءانشى العاشقى كونسەرتىن 16 - جەلتوقسان كۇنى «Singer - 2017» بايقاۋى وتكەن حۋنان پروۆينتسياسىنىڭ چاڭشا قالاسىندا وتكىزۋدى جوسپارلاپ وتىر. ال ەكىنشى كونسەرتى 2018 -جىلعى 6 - قاڭتار كۇنى فۋجيان پروۆينتسياسىنىڭ باس قالاسى فۋچجوۋدا وتپەك.

ايتا كەتەيىك، وتانداسىمىزدىڭ تالانتىنا ءتانتى قىتايلىق جانكۇيەرلەر كونسەرت بيلەتتەرىن قازىردىڭ وزىندە ينتەرنەت ارقىلى ساتىپ الىپ جاتىر. بيلەتتەردىڭ باعاسى 14 مىڭ تەڭگەدەن (280 يۋان) باستالىپ، 84 مىڭ تەڭگەگە (1680 يۋان) دەيىن جەتەدى.

 اۆتور: مۇحتار قاليموللا ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى