پاۆلوداردان 84 مىڭ قازاقستاندىق شەتەلگە كوشىپ كەتكەن

پاۆلودار وبلىستىق ىشكى ىستەر دەپارتامەنتى كوشى- قون پوليتسياسى باسقارماسىنىڭ اقپاراتىنا سۇيەنسەك، وڭىرگە قايتىپ كوشىپ كەلگەندەر سانى 5 ەسە از. ەلىمىزدىڭ بۇل وڭىرىنەن كوشىپ كەتكەن ادامداردىڭ جاسى 30-40 شاماسىندا جانە ودان كىشى. ال جاسى كەلگەن ادامدار از قونىس اۋدارۋدا.

وبلىستىق ءى ءى د كوشى- قون پوليتسياسى باسقارماسى باسشىسىنىڭ ورىنباسارى ەرمەك ساتىبالدينوۆتىڭ ايتۋىنشا، «قونىس اۋدارۋشىلاردىڭ كوپشىلىگى قالالىق اۋماقتان: پاۆلودار، ەكىباستۇز، اقسۋدان. اۋىلدىق جەرلەردەن وتە سيرەك كوشەدى».

ونىڭ پىكىرىنشە، وسىعان قاراماستان يمميگراتسيا جانە ەميگراتسيا پروتسەسى حالىق سانىنا ەش اسەر ەتپەيدى: «بۇل - سىرتقى كوشى- قون پروتسەسى. ول ءاردايىم بولا بەرمەك».

 شەتەلگە قونىس تەپكەن 84019 ادامنىڭ 51432 سى رەسەيگە كوشكەن. بىلتىرعى جىلى قونىس اۋدارعانداردىڭ 89 پايىزى رەسەي فەدەراتسياسىنا كەتكەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى