الماتىدا 84 جاستاعى كەيۋانانى قاعىپ كەتكەن اۆتوكولىك جۇرگىزۋشىسى ۇستالدى

بۇل تۋرالى بۇگىن الماتى قالالىق ءى ءى د رەسمي وكىلى سالتانات ازىربەك حابارلادى.

«اجەي قازىر اۋرۋحانادا جاتىر. شىققان سوڭ، العان دەنە جاراقاتىنا بايلانىستى سوت-مەديتسينالىق ساراپتاما جۇرگىزىلەدى. ال ونى قاعىپ كەتكەن، جولسىزبەن جۇرە بەرەتىن اۆتوكولىكتىڭ جۇرگىزۋشىسى ۇستالدى. ەندى الداعى ۋاقىتتا قاجەت بولىپ جاتسا باسقا دا ساراپتامالار جۇرگىزىلەدى»، - دەدى س. ازىربەك.

ايتا كەتەلىك، بۇل وقيعا تۋرالى 12 -ماۋسىم كۇنى تاڭەرتەڭ فەيسبۋك الەۋمەتتىك جەلىسىندەگى ءوزىنىڭ جەكە پاراقشاسىندا قالا تۇرعىنى ەلەنا بونومانكو حابارلاعان بولاتىن.

ونىڭ ايتۋىنشا، وقيعا 8 -ماۋسىم كۇنى ساعات 14:00 دە جاندوسوۆ كوشەسى 36 -مەكەنجايىندا بولعان.

«جاس جىگىت جولسىزبەن جۇرەتىن كولىگىمەن ءۇيدىڭ اۋلاسىندا ارتقا قاراي جىلدام قوزعالىپ، قارت انانى قاعىپ كەتتى. كەيۋانا ايقايلاسا دا ول ونى ەستىمەي، ارتقا قاراي جۇرە بەرگەن. تەك تەمىر باعاناعا بارىپ سوعىلىپ ءبىر- اق توقتاعان. ايتپەسە، ايەلدى باسىپ وتەر ەدى. قارت ايەلدىڭ ايتۋىنشا، جىگىتتىڭ ەسىمى روبەرت پاك. ەكىنشى قاباتتا تۇراتىن تۋىستارىنا قوناققا كەلگەنگە ۇقسايدى. ويتكەنى، وقيعادان كەيىن ونىڭ تۋىستارى اجەيگە «شۋ كوتەرمەڭىز» دەپ كەلىپتى. دارىگەردىڭ ايتۋىنشا، قارت انانىڭ ءتىرى قالعانى تاڭقالارلىق جاعداي. ونىڭ 3 قابىرعاسى جانە جامباس سۇيەگى سىنعان. جۇرە المايدى جانە اسىرەسە تۇندە جاراقاتى قاتتى سىزدايدى»، - دەپ جازعان بولاتىن.

اۆتور: ايبوتا جاپپاربەرگەن

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى