اتىراۋدا الاياق قارجى پيراميداسىن قۇرىپ، سالىمشىلاردىڭ 84 ميلليوننان استام قارجىسىن قولدى قىلعان
اتىراۋ قالاسىنىڭ 2№ سوتىنىڭ وندىرىسىنە 134 جابىرلەنۋشىنىڭ قاراجاتىن جىمقىرعان 40 جاسار ازاماتقا قاتىستى قىلمىستىق ءىس كەلىپ ءتۇستى.
«ايىپتاۋ اكتىسىندە كورسەتىلگەندەي، ج. ك. قىلمىستىق جولمەن اسا ءىرى مولشەردە تابىس تابۋ ماقساتىندا 2014-جىلى «Playtcoin» جاۋاپكەرشىلىگى شەكتەۋلى سەرىكتەستىگىن اشقان. سەرىكتەستىكتىڭ قۇرىلتايشىسى ءارى ديرەكتورى ەتىپ ءوزىن تاعايىنداعان. ج ش س- ءنىڭ بانك رەتىندە مەملەكەتتىك تىركەلۋگە رۇقساتى جانە بانك قىزمەتىن اتقارۋعا بەرىلەتىن ارنايى ليتسەنزياسى جوقتىعىنا قاراماستان، زاڭسىز بانكتىك وپەراتسيالاردى ورىنداپ، ازاماتتاردان قاراجات قابىلداۋدى جۇزەگە اسىرعان.
ول ءۇشىن ارنايى كەڭسە اشىپ، عالامتورداعى سايتى ارقىلى ۇستەمە پايىزبەن قايتارىلاتىن سالىم بەرىلەتىنى تۋرالى جارناما تاراتادى. الدانعان حالىقتىڭ قارجىسى ونىڭ جەكە ەسەپ شوتىنا جانە تەلەفون ءنومىرىنىڭ ەسەپ شوتىنا ءتۇسىپ وتىرعان. ءسويتىپ، زاڭسىز تابىسىن 84 ميلليوننان استام سوماعا كوبەيتەدى»، - دەپ حابارلايدى اتىراۋ قالاسىنىڭ 2№ سوتىنىڭ باسپا ءسوز قىزمەتى.
مەملەكەتتىك ايىپتاۋ تاراپىنان وعان قازاقستان رەسپۋبليكاسى ق ك 214- بابى 2- بولىگى 2- تارماعى جانە 217- بابىنىڭ 3- بولىگى 2- تارماعىمەن ايىپ تاعىلىپ وتىر.
