استانا تەاترىندا مۇقاعالي ماقاتايەۆتىڭ 84 جىلدىعىنا وراي مۋزىكالىق-پوەزيالىق كونسەرت وتەدى
ماقاتايەۆ تانۋشى، فيلولوگيا عىلىمدارىنىڭ دوكتورى، اباي اتىنداعى قاز ۇ پ ۋ پروفەسسورى ساۋلە ابىشيەۆا «ماقاتايەۆ جىرلارىنىڭ قۇپياسى نەدە؟ ولاردىڭ قايتالانباس اسەرلى كەلەتىنى نەدەن؟ جانىڭدى باۋراپ الىپ، نە سەبەپتى جىبەرمەي قويادى؟»، دەگەن سۇراقتارعا جاۋاپ ىزدەۋمەن كەلەدى: «ادام بولمىسىنا دەگەن ماحاببات، ومىرگە دەگەن ماحاببات، ونىڭ بارلىق كورىنىستەرى - ءمانى مەن مازمۇنى جاعىنان فيلوسوفيالىق بولىپ تابىلاتىن ونىڭ پوەزياسىنىڭ فەنومەنى. م. ماقاتايەۆتىڭ ولەڭدەرى ونىڭ وتانىنا، تۋعان جەرىنە، حالقىنا جانە تۋعان تىلىنە دەگەن ماحابباتىنىڭ نەگىزىندە ءورىلىپ، بويعا ناعىز پاتريوتتىق قۋات بەرەدى»، - دەيدى ساۋلە ابىشيەۆا. كەمەڭگەر اقىن ءوزىن ХХI عاسىردىڭ ۇرپاعىمەن قۇرداس ەكەنىن، مۇمكىن، ودان ارعى بۋىنمەن تۋىس شىعارمىن دەپ جازعان...
«استانا وپەرا» تەاترىنىڭ كوركەمدىك باسشىلىعى ەكى ۇلى جاۋھار - مۇقاعالي ماقاتايەۆتىڭ «موسارت. جان ازاسى» پوەماسى مەن ۆ. ا. موسارتتىڭ «رەكۆيەمىن» ءبىر كونسەرت اياسىندا بىرىكتىرۋدى ءجون كوردى.
وسىلايشا، كورەرمەنگە مۋزىكالىق-پوەزيالىق ديالوگ ۇسىنىلادى. كومپوزيتوردىڭ ۇلى مۋزىكاسىنا اقىن ولەڭمەن جاۋاپ قاتتى. ۆولفگانگ امادەي موسارتتىكى سياقتى مۇقاعالي ماقاتايەۆتىڭ دا عۇمىرى قىسقا، الايدا جارق ەتكەن شىعارماشىلىق ءومىر بولدى.
«رەكۆيەم» - ەكەۋىنىڭ دە سوڭعى شىعارماسى. مۋزىكالىق- پوەزيالىق «رەكۆيەمدى» تىڭداپ وتىرىپ، باستان كەشكەن ءاربىر كۇننىڭ قۋانىشى مەن ءومىردىڭ قۇندىلىعى جايلى ەرىكسىز ويعا باتاسىڭ»، - دەيدى بايعالي مومبەكوۆ.
كەشتە «استانا وپەرا» تەاترىنىڭ سوليستەرى: سوپرانو، ق ر ەڭبەك سىڭىرگەن قايراتكەرى ايگۇل نيازوۆا؛ مەستسو- سوپرانو، ق ر ەڭبەك سىڭىرگەن قايراتكەرى ءدينا حامزينا؛ تەنور رامزات بالاقىشيەۆ؛ باس بولات ەسىمحانوۆ ونەر كورسەتەدى؛ مۇقاعالي ولەڭدەرىن - ق ر ەڭبەك سىڭىرگەن قايراتكەرى بايعالي مومبەكوۆ؛ كونسەرتكە «استانا وپەرا» حورى جانە سيمفونيالىق وركەسترى قاتىسادى، ديريجەر - ق ر ەڭبەك سىڭىرگەن قايراتكەرى ەرجان ءداۋىتوۆ.
