اقمولا وبلىسى ءبىلىم بەرۋ سالاسىنىڭ ەسەپشىلەرى 83 ميلليون تەڭگەدەن استام قارجى ۇرلادى دەگەن كۇدىككە ءىلىندى
باسپاءسوز قىزمەتىنىڭ مالىمەتتەرىنە قاراعاندا، بۇلاندى بالاباقشاسىنىڭ بۋحگالتەرى كاسىپكەرلەرمەن ويدان شىعارىلعان مامىلەلەر جاساي وتىرىپ، تۋىستارىنىڭ شوتتارىنا اقشا اۋدارعان.
اۋدارىمداردىڭ شىنايىلىعىن كورسەتۋ ءۇشىن بۋحگالتەر تاۋارلاردى جەتكىزۋگە كەلىسىم- شارتتار جاسالعان كاسىپورىنداردىڭ اتاۋلارىن كورسەتكەن.
بانكتىك شوتتار ونىڭ جاقىن تۋىستارىنا راسىمدەلىپ، بۋحگالتەر جۇمىس ىستەگەن كەزەڭدە بارلىعى 47 ميلليون تەڭگە اۋدارىلدى.
ەكىنشى جاعدايدا ستەپنوگورسك قالاسىنىڭ مەكتەپتەرىنىڭ بىرىندە انىقتالدى، تەرگەۋدىڭ نۇسقاسى بويىنشا بۋحگالتەر ءوز شوتىنا 36 ميلليون تەڭگە جالاقى رەتىندە اۋدارعان.
وسى فاكتىلەر بويىنشا قىلمىستىق ىستەر ق ك- ءنىڭ 189-بابى، 2-تارماعىنىڭ 4-بولىگى (اسا ءىرى مولشەردە ۇرلاۋ) بويىنشا تىركەلىپ، اقمولا وبلىستىق پروكۋراتۋراسىنىڭ ارنايى پروكۋرورلارى مەن اقمولا وبلىسى بويىنشا ەكونوميكالىق تەرگەۋ دەپارتامەنتىنىڭ وكىلدەرى تەرگەپ جاتىر.
وسى باپ بويىنشا جازا بەلگىلى ءبىر لاۋازىمداردى اتقارۋعا نەمەسە بەلگىلى ءبىر قىزمەتپەن اينالىسۋعا تىيىم سالا وتىرىپ، 12 جىلعا دەيىن باس بوستاندىعىنان ايىرۋدى كوزدەيدى.
