كوكىرەكبايەۆ جامبىلدىق پوليتسەيلەرگە 83 قىزمەتتىك كولىكتىڭ كىلتىن تابىس ەتتى - فوتو
سالتاناتتى راسىمگە وبلىس اكىمى كارىم كوكىرەكبايەۆ، ءى ءى د باستىعى پوليتسيا گەنەرال- مايورى ت. ماتكەنوۆ باستاعان ىشكى ىستەر دەپارتامەنتى، جەرگىلىكتى پوليتسيا قىزمەتى مەن تاراز قالاسى ىشكى ىستەر باسقارماسىنىڭ جەكە قۇرامى قاتىستى.
ءىىد گورنيزونى ساپقا تۇرىپ، الاڭعا قر مەملەكەتتىك تۋى اكەلىندى، 5513 اسكەري ءبولىمى وركەسترىنىڭ سۇيەمەلدەۋى ارقىلى قازاقستان ءانۇرانى وينالدى. جامبىل وبلىسىنىڭ اكىمى كارىم كوكىرەكبايەۆ ءسوز سويلەپ، سۋ جاڭا ارنايى قىزمەتتىك 83 اۆتوكولىكتىڭ كىلتىن تاپسىردى. وبلىس اكىمىنىڭ قولىنان كىلت العان پوليتسيا قىزمەتكەرى ءوز كەزەگىندە قازاقستان رەسپۋبليكاسىنا قىزمەت ەتۋگە انت بەردى. - قۇرىلعانىنا 10 ايدان استام ۋاقىت ىشىندە جەرگىلىكتى پوليتسيا قىزمەتى ءوزىنىڭ مىندەتتەرىن ءتيىستى دەڭگەيدە اتقارىپ، وبلىستىڭ كريمينوگەندىك جاعدايىن جاقسارتۋعا ءوز ۇلەستەرىن قوسۋدا.
بيىلعى جىلدىڭ ون ايىندا وبلىستا تىركەلگەن قىلمىستىق قۇقىق بۇزۋشىلىقتاردىڭ سانى 11 پايىزعا تومەندەدى. بۇگىن تاپسىرعالى وتىرعان اۆتوكولىكتەر دە قىلمىسپەن كۇرەسۋ شارالارىن جەتىلدىرۋگە ءوز ۇلەسىن قوساتىنىنا سەنىمدىمىن، - دەدى ايماق باسشىسى.
كەلەسى كەزەكتە ءسوز سويلەگەن وبلىستىق ىشكى ىستەر دەپارتامەنتىنىڭ باستىعى پوليتسيا گەنەرال- مايورى تىلەگەن ماتكەنوۆ: «بۇگىن جامبىلدىق پوليتسەيلەر ءۇشىن عانا ەمەس، بارلىق وبلىس تۇرعىندارى ءۇشىن قۋانىشتى جايت ورىن الدى. سەبەبى، ماتەريالدىق- تەحنيكالىق بازانىڭ جاقسارۋى ايماق تۇرعىندارىنىڭ مۇددەسى ءۇشىن قىلمىسپەن كۇرەسۋدە قوعامعا تيىمدىرەك قىزمەت ەتۋگە سەپتىگىن تيگىزەدى» - دەدى.
