استاناعا اقمولا وبلىسىنان 83 توننا ەت پەن شۇجىق ونىمدەرى اكەلىنەدى
بۇل تۋرالى ەلوردا اكىمدىگىنىڭ اقپارات ورتالىعىنان حابارلايدى.
قالالىق الاڭدا 120 ساۋدا ورنى اشىلىپ، 4 كيىز ءۇي تىگىلەدى. استانا قالاسىنىڭ تۇرعىندارى مەن قوناقتارىنا 500 توننادان استام 53 ءتۇرى ءونىم ۇسىنىلادى. اتاپ ايتقاندا، 190 توننا كارتوپ، 89 توننا كوكونىس، 83 توننا ەت پەن شۇجىق ونىمدەرى، 50 توننا ۇن، 20 توننا ءسۇت پەن ءسۇت ونىمدەرى، 10 توننا قانت، 4,5 توننا بالىق، 3 توننا جارما، 213 مىڭ دانا جۇمىرتقا جانە 9 مىڭ ليتر وسىمدىك مايى.
اقمولا وبلىسى دا جارمەڭكەگە كەلۋشىلەر نازارىنا كونسەرتتىك باعدارلاماسىن ۇسىنادى. شارا بارىسىندا ءتۇرلى شىعارماشىلىق ۇجىمداردىڭ 200 استام وكىلى ءوز ونەرلەرىن ورتاعا سالادى.
