بەس ايدا بالالارعا قارسى 83 زورلاۋ جانە 11 ءولىم دەرەگى تىركەلدى
بۇل وتكەن جىلمەن سالىستىرعاندا 7,6 پايىزعا ارتقان، دەپ حابارلايدى قازاقپارات Ranking.kz رەسۋرسىنا سىلتەمە جاساپ.
ەلىمىزدە بيىلعى بەس ايدا 1008 قۇقىق بۇزۋشىلىق قىلمىس جانە 72 ى - زاڭعا قايشى ارەكەت. قىلمىستاردىڭ دەنى ورتاشا اۋىر - 364 جاعداي. سونىمەن قاتار 252 اۋىر قىلمىس، 198 اسا اۋىر، ودان بولەك اۋىر ەمەس 194 قىلمىس تىركەلدى.
وتكەن جىلدىڭ العاشقى 5 ايىندا كامەلەتكە تولماعاندارعا قاتىستى 1004 قۇقىق بۇزۋشىلىق جاسالدى. بۇل ونىڭ الدىڭعى جىلمەن سالىستىرعاندا 4,6 پايىزعا از.
وڭىرلەر بويىنشا ەڭ كوپ قۇقىق بۇزۋشىلىقتار تۇركىستان وبلىسىندا تىركەلدى. جىل ىشىندە 100 قۇقىق بۇزۋشىلىق بولعان. ودان ءارى قۇقىق بۇزۋشىلىقتاردىڭ ايتارلىقتاي سانى الماتىدا (89 جاعداي، جىلىنا %15,6) جانە الماتى وبلىسىندا (86 جاعداي، %23,2) جاسالعان.
ەڭ از قۇقىق بۇزۋشىلىق ارەكەتى ۇلىتاۋ وبلىسى (15 جاعداي)، س ق و (26 جاعداي) جانە پاۆلودار (33 جاعداي) وبلىستارىندا بايقالدى.
بالالارعا قاتىستى قۇقىق بۇزۋشىلىقتاردىڭ كوپ ءوسۋى ماڭعىستاۋ وبلىسىندا (جىلىنا بىردەن 67,6 پايىزعا، 57 جاعدا»)، ال ازايۋ فاكتىسى پاۆلودار وبلىسىندا (29,8 پايىزعا) تىركەلدى.
كامەلەتكە تولماعاندارعا قارسى قۇقىق بۇزۋشىلىقتىڭ كوبىسى جەكە باسقا قارسى قىلمىس تۇرىنە جاتادى. بيىل قاڭتار- مامىردا 556 جاعداي تىركەلىپ وتىر.
سونداي-اق جەكە مۇلىك قۇقىق بۇزۋشىلىعى (205 قۇقىق بۇزۋشىلىق، ءبىر جىل ىشىندە %9,6) جانە كولىك قىلمىستارى (165 قۇقىق بۇزۋشىلىق، %17,9).
قۇقىق بۇزۋشىلىقتىڭ سالدارىنان كوبىنە ون التى جاسقا تولماعان جاسوسپىرىمدەر زارداپ شەككەن. 158 جىنىستىق قاتىناس فاكتىسى تىركەلدى. ودان ءارى جول قوزعالىسى ەرەجەلەرىن بۇزۋ (158 جاعداي) سياقتى بالالار زارداپ شەككەن قۇقىق بۇزۋشىلىق تىركەلدى. سونىمەن قاتار كامەلەتكە تولماعان بالالار مەن جاسوسپىرىمدەرگە قاتىستى زورلاۋ، ۇرلىق، جىنىستىق سيپاتتاعى زورلىق- زومبىلىق ارەكەتتەرى، بۇزاقىلىق پەن بالالاردى جولدان تايدىرۋ جاعدايلارى تىركەلدى.
