ايگىلى فۋتبولشى پەلە 82 جاسىندا ومىردەن ءوتتى

1940 -جىلدىڭ 23-قازانىندا برازيليادا دۇنيەگە كەلگەن ە́دسون ارا́نتيس دۋ ناسيمە́نتۋ جانكۇيەرلەرگە پەلە دەگەن لاقاپ ەسىمىمەن بەلگىلى بولدى.

ول - ءوزىنىڭ فۋتبولشىلىق مانسابىندا ءۇش مارتە الەم چەمپيونى اتاعىن جەڭىپ العان جالعىز فۋتبولشى.

اتاقتى فۋتبولشى ۇزاق ۋاقىت بويى ونكولوگيامەن كۇرەسىپ كەلدى. اتالعان اۋرۋ ونىڭ اعزاسىنان 2021 -جىلدىڭ كۇزىندە انىقتالعان.

قاتەرلى دەرتكە قارسى كۇرەس ماقساتىندا بىرنەشە مارتە حيميوتەراپيادان ءوتتى. كەيىننەن دەنساۋلىعى وعان قارسى تۇرۋعا قاۋقارسىزدىق تانىتتى.

بيىلعى جىلدىڭ 29-قاراشاسىندا ول اۋرۋحاناعا جاتقىزىلدى.

ەمدەۋدىڭ بىرنەشە كۋرسىن قابىلداعان ەدى. دەگەنمەن اقپارات قۇرالدارى ونىڭ دەنساۋلىعى كۇن سايىن ناشارلاي تۇسكەنىن حابارلادى.

ول فۋتبولداعى العاشقى قادامىن 1956 -جىلى برازيليانىڭ «سانتوس» كومانداسىندا باستاپ، وندا 1974 -جىلعا دەيىن دوپ تەپتى.

ال 1975-1977 -جىلداردا ا ق ش-تىڭ «نيۋ-يورك كوسموس» كلۋبىندا وينادى. ەكى كوماندا ساپىندا 560 كەزدەسۋدە قارسىلاستار قاقپاسىن 541 مارتە ءدال كوزدەدى.

ال برازيليا ۇلتتىق قۇراماسى ساپىندا 1957-1971 -جىلداردا 92 ويىندا 77 گولدىڭ اۆتورى اتاندى.

ەسكە سالساق، 2020 -جىلدىڭ 25-قاراشاسىندا ارگەنتينالىق ايگىلى فۋتبولشى ديەگو مارادونا دۇنيەدەن وتكەن ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى