قازاقستاندا ءبىر كۇندە 82 دارىگەر كوروناۆيرۋس جۇقتىردى
«COVID-2019 اۋرۋىمەن جاتقان پاتسيەنتتەردى ەمدەۋگە، كۇتۋگە تارتىلماعان دەنساۋلىق ساقتاۋ ۇيىمدارىنىڭ مەديتسينالىق قىزمەتكەرلەرىنىڭ اراسىندا كوروناۆيرۋس ينفەكسياسىن جۇقتىرعان ازاماتتاردىڭ سانى دا تەز ءوسىپ كەلە جاتقانىن اتاپ ءوتۋ كەرەك. سونىمەن قاتار اتالعان كونتينگەنت ماڭىزدى ەپيدەمولوگيالىق ءبولىم سانالادى. ياعني بۇل سانات ينفەكسيانى ارى قاراي ءورشىتۋى مۇمكىن وشاققا اينالۋ قاۋپى بار» ، - دەدى ليۋدميلا بيۋرابەكوۆا و ك ق- دا ونلاين رەجيمدە وتكەن باسپا ءسوز ءماسليحاتىندا.
كوميتەت ءتوراعاسى بۇگىن عانا COVID-2019 اۋرۋىمەن جاتقان پاتسيەنتتەردى ەمدەۋ جانە كۇتۋ شارالارىمەن اينالىسپايتىن 82 ادامنىڭ ۆيرۋس جۇقتىرعانىن ايتىپ ءوتتى. «جۇقتىرۋدىڭ جوعارى دەڭگەيى نۇر- سۇلتان (36) ، الماتى (33) قالالارىندا، سونىمەن قاتار اتىراۋ (6) ، اقمولا (3) وبلىستارى جانە قاراعاندى، قىزىلوردا، سولتۇستىك قازاقستان وبلىستارىندا، سونداي- اق ءىىم ۆەدومستۆوارالىق قىزمەتىندە تىركەلدى»، - دەدى ول. ليۋدميلا بيۋرابەكوۆا نۇر- سۇلتاندا ۇلتتىق عىلىمي كارديولوگيالىق ورتالىقتان 8 ادام، ۇلتتىق ونكولوگيا جانە ترانسپلانتولوگيا ورتالىعىنان 16 ادام، «مەيىرىم» مەديتسينالىق ورتالىعىنان 7 ادامنىڭ كوروناۆيۋس جۇقتىرعانىن ءمالىم ەتتى.
