حالىق ءارتىسى، 82 جاستاعى نۇرعالي ءنۇسىپجانوۆتىڭ كىمگە ۇيلەنگەنى بەلگىلى بولدى
«نۇرعالي ءنۇسىپجانوۆ پەن جادىرا سەيدەشتىڭ ۇيلەنگەنى راس. توي كەشە الماتىدا ءوتتى. وعان مەن دە قاتىستىم. توي وتە كەرەمەت ءوتتى. نۇرعالي ءنۇسىپجانوۆتىڭ ەڭ جاقىن دوستارى بولدى. ونىڭ ىشىندە مەن دە بارمىن. ولارعا تەك قانا زور دەنساۋلىق، باقىت تىلەيمىن»، - دەدى Sputnik قازاقستان تىلشىسىنە تويدا بولعان بەلگىلى اكتريسا مەرۋەرت وتەكەشوۆا.
نۇرعالي ءنۇسىپجانوۆتىڭ تاڭداعان جارى - جادىرا سەيدەش 1982 -جىلى دۇنيەگە كەلگەن. ول ۇلتتىق ارنا، قازاق راديوسى، ك ت ك ارناسىندا كوپ جىل جۋرناليست، تەلەجۇرگىزۋشى بولىپ ىستەگەن. 2015 -جىلى «جۇرەكجاردى» اۆتورلىق باعدارلاماسى ءۇشىن «سەرپەر» جاستار سىيلىعىنىڭ لاۋرەاتى اتاندى.
ۇيلەنۋ تويىندا جادىرا سەيدەش قۇداي قوسقان قوساعىنا جۇرەكجاردى تىلەگىن جەتكىزدى. ۆيدەوسىن الەۋمەتتىك جەلىدە تەلەجۇرگىزۋشىنىڭ بۇرىنعى ارىپتەستەرىنىڭ ءبىرى جاريالاعان.
«مەن ءسىزدىڭ جان دۇنيەڭىزدىڭ تازالىعىن سىيلادىم. سوندىقتان ەندى ەش ۋاقىتتا اۋىرىپ، مەن قورقىتپاڭىزشى. سۇرىنبەڭىزشى، قۇلاماڭىزشى، اسقار تاۋىم دەپ تاڭدادىم عوي. مەنىڭ اسقار تاۋىم بولىپ، جامبىل جاكەمنىڭ جاسىنان اسىڭىز. مەن سوعان قىزمەت ەتەمىن دەپ كەلدىم. ەندى، ءسىزدىڭ ءومىرىڭىز وسى تورتتاي ءتاتتى ءومىر بولسىن»، - دەدى قالىڭدىق نۇرعالي ءنۇسىپجانوۆتىڭ قولىنان ۇستاپ تۇرىپ.
سونداي- اق جادىرا حالىق ارتىسىنە ۇرپاق سىيلاعىسى كەلەتىنىن دە ايتتى.
«ادەمى جاسىڭىزدا اكە اتانساڭىز، ونىڭ نەسى ايىپ؟ جاقسى ادامنىڭ ارتىنان ۇرپاق قالۋى كەرەك. اللادان ءسىزدىڭ قولىڭىزدان ۇستاپ تۇرىپ، ءبىر عانا تىلەك تىلەيمىن. كىشكەنتاي عانا نۇرعالي ۇلى ءبىزدىڭ شاڭىراعىمىزدى شاتتىققا كەنەلتىپ، ومىرگە كەلەتىن سول ءسابيدىڭ تىلەگىمەن كۇن كەشەيىكشى. قاشان دا مەن ءسىزدى ارقا تۇتىپ، ءسىز مەنى مەدەۋ ەتىڭىز»، - دەپ ءسوزىن اياقتادى ول.
نۇرعالي ءنۇسىپجانوۆ 1937 -جىلى 5 - قاڭتاردا تالدىقورعان وبلىسىنىڭ گۆارديا اۋدانىنداعى كۇرەڭبەلدىڭ (التىنەمەل) جانىنداعى دولانالى اۋىلىندا تۋعان. ول - قازاقستاننىڭ حالىق ءارتىسى. قازاقستاننىڭ مەملەكەتتىك سىيلىعىنىڭ لاۋرەاتى. پاراسات، قۇرمەت وردەندەرىنىڭ يەگەرى.
اشىق دەرەككوزدەگى اقپاراتقا سۇيەنسەك، نۇرعالي ءنۇسىپجانوۆتىڭ ءبىرىنشى ايەلىنىڭ ەسىمى - ايگۇل. ولار بيبىگۇل، الما، داريعا، نۇرگۇل، نۇرزار اتتى بەس بالا تاربيەلەپ وسىرگەن.
