پرەزيدەنتتىڭ ساياسي باستامالارىن ساۋالناماعا قاتىسقانداردىڭ 82,4 پايىز قولدادى

قوعامدىق ساياسات ينستيتۋتى وسى جىلى 7- قىركۇيەكتە تەلەفون ارقىلى ساۋالناما جۇرگىزدى. نۇر-سۇلتان، الماتى، شىمكەنت قالالارى مەن 17 وبلىستىڭ قالا جانە اۋىل تۇرعىندارى اراسىندا 18 جاستان اسقان 2394 رەسپوندەنتتەن ساۋالناما الىندى.

زەرتتەۋ ناتيجەلەرى مەملەكەت باسشىسىنىڭ قازاقستان حالقىنا جولداۋىندا كوتەرىلگەن ساياسي باستامالاردى حالىقتىڭ وڭ قابىلداعانىن كورسەتتى.

ەستەرىڭىزگە سالا كەتەيىك، مەملەكەت باسشىسى قاسىم-جومارت توقايەۆ 2022-جىلعى 1- قىركۇيەكتەگى قازاقستان حالقىنا جولداۋىندا پرەزيدەنتتىڭ وكىلەتتىك مەرزىمىنىڭ سانى مەن ۇزاقتىعىن قايتا قاراۋدى ۇسىنعان بولاتىن.

اتاپ ايتقاندا، پرەزيدەنتتىڭ مانداتىن ەكىنشى رەت قايتا سايلانۋ قۇقىعىنسىز 7 جىلعا سوزىلاتىن تەك ءبىر مەرزىممەن شەكتەۋ تۋرالى باستاما كوتەرىلدى.

سۇرالعانداردىڭ باسىم كوپشىلىگى (82,4 پايىز) بۇل ساياسي جاڭاشىلدىقتى قولدايدى.

بۇل باستامانى قولدايتىندار نەگىزىنەن مىناداي دالەل كەلتىرەدى:

- 7 جىل ىشىندە كەز-كەلگەن سايلاۋالدى باعدارلامانى جۇزەگە اسىرۋعا بولادى (61,7 پايىز)؛

- 7 جىل ىشىندە بيلىكتىڭ بارلىق قۇرىلىمدارىن مونوپوليالاپ الۋ مۇمكىن ەمەس (14,9 پايىز).

سونداي-اق ءاربىر 5-رەسپوندەنت ءۇشىن (19,5 پايىز) ەڭ باستى ماسەلە - پرەزيدەنتتىڭ تەك ءبىر رەت قانا سايلاناتىنى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى