الماتىدا ءۇش كۇن ىشىندە نەكەلىك شەرۋلەر قۇرامىنداعى 81 اۆتوكولىكتىڭ جۇرگىزۋشىسى جاۋاپقا تارتىلدى

اتالمىش جۇمىس «ۇيلەنۋ تويى مەرزىمىنىڭ» باستالۋىمەن وتۋدە.

سوڭعى ۋاقىتتاردا ەلىمىزدە ليمۋزين جۇرگىزۋشىلەرىن جول ءجۇرۋ ەرەجەلەرىن بۇزعاندىعى تۋراسىندا كوپتەگەن شاعىمدار تۇسكەن، دەدى الماتى قالالىق ءى ءى د-نىڭ باسپا ءسوز قىزمەتى.

«اسىرەسە دەمالىس كۇندەرى قاربالاسقا تولى بولادى. بىرنەشە ونداعان كولىكتەن تۇراتىن نەكەلىك شەرۋلەر ورتالىق ماگيسترالدارمەن عانا ەمەس، ەكىنشى دارەجەلى كوشەلەرمەن دە جۇرەدى.

قارسى جولاققا شىعىپ كەتۋ، باعدارشامنىڭ قىزىل شامى جانسا دا جول قيىلىسىنان ءوتىپ كەتۋ، جول قوزعالىسى ەرەجەسىن بۇزۋ، اپاتتىق جاعداي تۋدىرۋ، جىلدامدىق ەرەجەسىن جانە كولىكتى تۇراققا قويۋ ەرەجەسىن بۇزۋ - ولار ءۇشىن ۇيرەنشىكتى جاعدايعا اينالىپ كەتكەن.

بۇل ورەسكەل ەرەجە بۇزۋشىلىق بولىپ تابىلادى جانە ونى جاساعاندار قاتاڭ جاۋاپكەرشىلىككە تارتىلادى»، - دەدى الماتى قالاسى ءى ءى د اكىمشىلىك پوليتسيا باسقارماسىنىڭ باسشىسى نۇرلان الماسبەكوۆ.

سوڭعى ءۇش كۇن ىشىندە نەكەلىك شەرۋلەر قۇرامىنداعى 81 اۆتوكولىكتىڭ جۇرگىزۋشىسى جاۋاپكەرشىلىككە تارتىلدى.

«الماتى» تەلەارناسى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى