اقتوبەدە قۇنى 80 ميلليون تەڭگەدەن اساتىن اقبوكەن ءمۇيىزى تاركىلەندى
ىشكى ىستەر مينيسترلىگى باسپا ءسوز قىزمەتىنىڭ مالىمەتىنشە، 1-شىلدەدە پد جپقب قىزمەتكەرلەرى «وحوتزووپروم» قىزمەتكەرلەرىمەن بىرلەسە وتىرىپ، «مال بازارى» ماڭىنداعى بوگوسلوۆكا تراسساسىندا 32 جاستاعى جۇرگىزۋشىنىڭ باسقارۋىنداعى ۆاز 2110 كولىگىن توقتاتقان. كولىكتە 38 جاستاعى جولاۋشى بولدى.
جۇكسالعىشتاعى قاپتان 31 دانا اقبوكەن ءمۇيىزى تابىلدى. تاركىلەنگەن ءمۇيىز بويىنشا ساراپتاما تاعايىندالدى.
ق ر ق ك 339-بابى 1-1-بولىگى بويىنشا تەرگەۋ ارەكەتتەرى جۇرگىزىلىپ جاتىر. تاركىلەنگەن اقبوكەن ءمۇيىزىنىڭ قايدان الىنعانى انىقتالادى.
